Ram Charan: ఆ హీరోకు ఛాన్స్ ఇచ్చిన రామ్ చరణ్!

స్టార్ డైరెక్టర్ శంకర్ డైరెక్షన్ లో చరణ్ హీరోగా తెరకెక్కుతున్న సినిమా ప్రీ ప్రొడక్షన్ పనులు శరవేగంగా జరుగుతున్న సంగతి తెలిసిందే. ఈ సినిమాలో కియారా అద్వానీ లేదా అలియా భట్ హీరోయిన్ పాత్రలో నటించే అవకాశాలు ఉన్నాయని తెలుస్తోంది. సీనియర్ హీరో జగపతి బాబు ఈ సినిమాలో చరణ్ తండ్రి పాత్రలో నటిస్తున్నారని వార్తలు వస్తుండగా ఈ ప్రచారంలో నిజానిజాలు తెలియాల్సి ఉంది.

శంకర్ సినిమాలో చరణ్ మొదట ఐఏఎస్ అధికారిగా ఆ తర్వాత సీఎం పాత్రలో కనిపిస్తారని ఈ సినిమాకు ఒకే ఒక్కడు సినిమాతో పోలికలు ఉంటాయని సమాచారం. ఈ మధ్య కాలంలో సరైన హిట్ లేని శంకర్ ఈ సినిమాతో ఎలాంటి రిజల్ట్ ను సొంతం చేసుకుంటారో చూడాల్సి ఉంది. రంగస్థలం సినిమాలో విలన్ పాత్రలో నటించిన జగపతి బాబు శంకర్ సినిమాలో తండ్రి పాత్రలో నటిస్తుండటం గమనార్హం.

ప్రముఖ రచయిత సాయిమాధవ్ బుర్రా ఈ సినిమాకు డైలాగ్ రైటర్ గా పని చేస్తున్నారు. దిల్ రాజు ఈ సినిమాకు నిర్మాతగా వ్యవహరిస్తుండగా థమన్ ఈ సినిమాకు సంగీతం అందిస్తుండటం గమనార్హం. ఆర్ఆర్ఆర్ మూవీతో పాన్ ఇండియా హీరోగా గుర్తింపు తెచ్చుకోనున్న రామ్ చరణ్ పాన్ ఇండియా సినిమాలను తెరకెక్కించే సత్తా ఉన్న డైరెక్టర్లకు మాత్రమే తన సినిమాలను తెరకెక్కించే అవకాశం ఇస్తున్నారు. సెప్టెంబర్ లో శంకర్ రామ్ చరణ్ కాంబో మూవీ షూటింగ్ మొదలయ్యే అవకాశాలు ఉన్నాయని ఇండస్ట్రీ వర్గాల్లో వినిపిస్తోంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్