Raghavendra Rao: రాఘవేంద్రరావుకి జోడీగా ఒకప్పటి హీరోయిన్!

దర్శకేంద్రుడు రాఘవేంద్రరావు దర్శక ప్రతిభ గురించి ఎంత చెప్పుకున్నా తక్కువే. ఇన్నాళ్లు కెమెరా వెనుకనున్న ఆయన ఇప్పుడు వెండితెరపై కనిపించడానికి సిద్ధమవుతున్నాడు. తనికెళ్ల భరణి దర్శకత్వంలో రాఘవేంద్రరావు ప్రధాన పాత్రలో ఓ సినిమా రూపొందుతోంది. ప్రస్తుతం ఈ సినిమాకి సంబంధించిన ప్రీ ప్రొడక్షన్ వర్క్ జరుగుతోంది. తాజాగా ఈ సినిమాకి సంబంధించిన ఓ అప్డేట్ బయటకొచ్చింది. ఈ సినిమాలో రాఘవేంద్రరావుతో కలిసి నటించే నటీనటుల విషయంలో తనికెళ్ల భరణి ప్రత్యేక జాగ్రత్తలు తీసుకుంటున్నారు.

ఈ క్రమంలో రాఘవేంద్రరావు జోడీగా నటి లక్ష్మీని తీసుకున్నట్లు సమాచారం. ఒకప్పుడు హీరోయిన్ గా సినిమాలు చేసిన లక్ష్మీ ఆ తరువాత తల్లి, వదిన, అత్త వంటి పాత్రల్లో కనిపించింది. రీసెంట్ గా ఆమె సమంత నటించిన ‘ఓ బేబీ’ సినిమాలో నటించింది. రాఘవేంద్రరావు సరసన లక్ష్మీ నటిస్తే పాత్రకు న్యాయం చేస్తుందని తనికెళ్ల భరణి నమ్ముతున్నాడు. ఈ సినిమాలో రాఘవేంద్రరావు రిటైర్డ్ ప్రభుత్వ ఉద్యోగిగా కనిపిస్తారట.

అన్ని వర్గాల ప్రేక్షకులను అలరించే విధంగా తనికెళ్ల భరణి ఈ కథను సిద్ధం చేస్తున్నారని తెలుస్తోంది. త్వరలోనే సెట్స్ పైకి వెళ్లనున్న ఈ సినిమాలో శ్రియ గెస్ట్ రోల్ లో కనిపించనుంది.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!