శేఖర్ కమ్ముల దర్శకత్వంలో వరుణ్ తేజ్ సాయి పల్లవి జంటగా నటించిన చిత్రం ఫిదా. ఈ సినిమా ద్వారా సాయి పల్లవి హీరోయిన్ గా తెలుగు ప్రేక్షకులకు పరిచయమయ్యారు. ఇలా మొదటి సినిమాతోనే ఎంతో మంచి సక్సెస్ అందుకున్నటువంటి సాయి పల్లవి అనంతరం టాలీవుడ్ ఇండస్ట్రీలో వరుస సినిమాలలో నటిస్తూ ఎంతో బిజీగా గడుపుతున్నారు. ఇక ఫిదా సినిమా కూడా ఎలాంటి సక్సెస్ అందుకుందో మనకు తెలిసింది. ఈ సినిమా విడుదల అయ్యి ఇన్ని సంవత్సరాల తర్వాత ఈ సినిమా గురించి డైరెక్టర్ జయంత్ సి పరాన్జీ తాజాగా ఒక ఇంటర్వ్యూలో పాల్గొని ఎన్నో ఆసక్తికరమైన విషయాలను వెల్లడించారు.
ప్రేమించుకుందాం రా సినిమా ద్వారా దర్శకుడుగా టాలీవుడ్ ప్రేక్షకులకు పరిచయం అయినటువంటి ఈయన ఎన్నో అద్భుతమైన సినిమాలకు దర్శకుడిగా పనిచేశారు. ఇక చివరిగా తెలుగులో పవన్ కళ్యాణ్ హీరోగా నటించిన తీన్ మార్ సినిమాకు దర్శకత్వం వహించారు. ఈ సినిమా తర్వాత టాలీవుడ్ ఇండస్ట్రీకి దూరంగా ఉన్నటువంటి డైరెక్టర్ జయంత్ తాజాగా ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా ఈయన ఫిదా సినిమా గురించి కొన్ని విషయాలు తెలియజేశారు..
నిజానికి ఈ సినిమాలో (Fidaa Movie) నటించాల్సింది వరుణ్ తేజ్ సాయి పల్లవి కాదని ఈయన తెలియచేశారు.శేఖర్ కమ్ముల ఈ సినిమా స్టోరీ రాసి తనకు వినిపించారని ఈ సినిమాకు తానే ప్రొడ్యూసర్గా వ్యవహరించాలని నిర్ణయించుకున్నానని తెలిపారు. ఇక ఈ సినిమా స్టోరీ విన్న తర్వాత మహేష్ బాబు తప్పకుండా ఈ సినిమాకు సెట్ అవుతారని భావించాము ఇలా ఈ సినిమాలో మహేష్ బాబు బాలీవుడ్ నటి దీపికా పదుకొనే ఇద్దరి కాంబినేషన్లో ఈ సినిమాని నిర్మించాలని భావించాము.
ఇక ఈ కథ మహేష్ బాబు గారికి వినిపించినప్పుడు ఆయన కూడా చాలా ఇంప్రెస్ అయ్యారని తెలిపారు. అయితే మహేష్ బాబు వంటి ఒక స్టార్ హీరో సినిమా చేస్తున్నారు అంటే ఆ సినిమాపై ఎన్నో అంచనాలు ఉంటాయి. ఫిదా సినిమా ఆ అంచనాలను చేరుకుంటుందా లేదా అన్న సందేహం కలగడంతోనే ఈ సినిమా నుంచి మహేష్ తప్పుకోవడం వరుణ్ తేజ్ ఎంటర్ కావడం జరిగింది అంటూ జయంత్ వెల్లడించారు.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
Home