Allu Arjun: ఆ ఒక్క మాటతో ఈ ప్రముఖ నటుడి జీవితాన్ని మార్చేసిన బన్నీ.. కానీ?

September 9, 2023 / 10:18 PM ISTByFilmy Focus

Join Us

Allu Arjun: ఆ ఒక్క మాటతో ఈ ప్రముఖ నటుడి జీవితాన్ని మార్చేసిన బన్నీ.. కానీ?

టాలీవుడ్ ఐకాన్ స్టార్ అల్లు అర్జున్ రియల్ లైఫ్ లో స్టైలిష్ గా కనిపించడానికి ఇష్టపడటంతో పాటు తన నటనతో ఎంతోమంది అభిమానులను సంపాదించుకున్నారు. ఇండస్ట్రీకి చెందిన చాలామంది నటీనటులు బన్నీని ఎంతగానో అభిమానిస్తారు. పుష్ప ది రైజ్ సినిమాతో బన్నీ బాలీవుడ్ ఆడియన్స్ ను ఫిదా చేయడంతో పాటు ఆడియన్స్ కు ఎంతగానో దగ్గరయ్యారు. ప్రముఖ నటుడు ప్రభాస్ శ్రీను ఒక సందర్భంలో బన్నీ గొప్పదనం గురించి కీలక విషయాలను చెప్పుకొచ్చారు.

ప్రాక్టికాలిటీ అంటే అల్లు అర్జున్ అని ప్రభాస్ శ్రీను కామెంట్లు చేశారు. బన్నీకి రియాలిటీ అంటే ఇష్టమని ఆయన ఏదైనా ఓపెన్ గా చెబుతారని ప్రభాస్ శ్రీను అన్నారు. సినిమా ఫలితం ఎలా ఉన్నా బన్నీ ఓపెన్ గా తీసుకుంటారని ఆయన కామెంట్లు చేశారు. ఒకానొక సమయంలో నేను ఎక్కువగా మద్యం తాగేవాడినని ప్రభాస్ శ్రీను వెల్లడించారు. మద్యం మానేయాలని ప్రయత్నిస్తే స్ట్రెస్ ఎక్కువయ్యేదని ప్రభాస్ శ్రీను పేర్కొన్నారు.

నా కూతురు పెరుగుతోందని డ్రింక్ మానేయాలని ప్రయత్నించగా ఆ సమయంలో నాకు స్ట్రెస్ పెరిగిందని ఆయన చెప్పుకొచ్చారు. నా పేరు సూర్య నా ఇల్లు ఇండియా షూటింగ్ సమయంలో నా చెయ్యి వణకడాన్ని బన్నీ గమనించి అడగగా మద్యం రాత్రి సమయంలో తాగకపోతే వణుకు వస్తుందని చెప్పానని ప్రభాస్ శ్రీను అన్నారు. “అంతమంచి యాక్టర్ మీరు” అంటూ బన్నీ ఒక లుక్ ఇచ్చి వెళ్లిపోయారని ప్రభాస్ శ్రీను తెలిపారు.

ఆ సమయంలో బన్నీ (Allu Arjun) నన్ను ఏమీ అనకపోయినా ఆ లుక్ తో నన్ను కొట్టినట్టు అనిపించిందని ప్రభాస్ శ్రీను వెల్లడించారు. అది నాకు గట్టిగా తగిలిందని ఆయన చెప్పుకొచ్చారు. బన్నీ వల్లే నేను మద్యం మానేశానని ఆయన అన్నారు. అల్లు అర్జున్ గారికి హ్యాట్సాఫ్ అని ప్రభాస్ శ్రీను కామెంట్లు చేశారు. హీరో కాంబినేషన్లలో నేను ఎక్కువగా చేశానని ఆయన అన్నారు. ప్రభాస్ శ్రీను చెప్పిన విషయాలు సోషల్ మీడియాలో వైరల్ అవుతున్నాయి.