కమెడియన్‌ను డైరెక్ట్‌ చేయనున్న స్టార్‌ హీరో.. మొన్న పవన్‌ పొగినోడే!

హీరోలు దర్శకులుగా మారడం.. అలా మారినా విజయాలు అందుకోవడం మన దగ్గర తక్కువ కానీ.. కోలీవుడ్‌లో చాలా ఎక్కువ. అగ్ర హీరోలు చాలామంది దర్శకులుగా తమ పనితనంతో ప్రేక్షకుల్ని మెప్పించారు. తాజాగా మరో హీరో ఇదే పనిలో ఉన్నారు అని తెలుస్తోంది. తన అన్న దారిలో ముందుకెళ్లి ఓ సినిమాకు మెగా ఫోన్‌ పట్టుకోబోతున్నారు. అది కూడా ఓ కమెడియన్‌ను హీరోగా చేసి. అలా అని అతను అల్లాటప్పా కమెడియన్‌ కాదు.. స్టార్‌ క్రికెటర్లు, స్టార్‌ హీరోలు (Star Hero) మెచ్చిన కమెడియన్‌.

Star Hero

సినిమాల్లోకి దర్శకత్వ శాఖ ద్వారా ప్రవేశించిన ఆ హీరోకు ఎప్పటి నుండో యాక్షన్‌.. కట్‌ అని చెప్పాలని ఉందట. అలాగే తనకు బాగా నచ్చిన కమెడియన్‌ను హీరోగా చూడాలనీ ఉందట. దానికి సంబంధించిన పనులు ఇప్పుడు శరవేగంగా పూర్తి చేస్తున్నారు. ఇక్కడ దర్శకుడిగా మారబోతున్న హీరో జయం రవి (Jayam Ravi) కాగా.. హీరోగా నటించబోతున్న కమెడియన్‌ యోగిబాబు (Yogi Babu) . తమ కొత్త ప్రాజెక్ట్‌ విషయాన్ని యోగిబాబే చెప్పారు.

తమిళనాట యోగిబాబు కమెడియన్‌గా పెద్ద స్థాయికి ఎదిగారు. ‘మండేలా’ సినిమాలో హీరోగా నటించి అదిరిపోయే విజయాన్ని అందుకున్నారు. ఆ సినిమాలో అతని నటనకు పవర్‌ స్టార్‌ పవన్‌ కల్యాణ్‌ కూడా ఫిదా అయిపోయారు అంటే యోగిబాబు నటన గురించి మీకు అర్థమైపోతుంది. ఇక స్టార్‌ క్రికెటర్‌ మహేంద్ర సింగ్ ధోనీ కూడా యోగిబాబును ఇష్టపడతాడు. అలాంటి యోగిబాబుతో జయం రవికి మంచి స్నేహం ఉంది.

ఈ క్రమంలో యోగిబాబు కోసం జయం రవి ఓ మంచి కథ సిద్ధం చేశారట. పూర్తి స్థాయిలో ఎంటర్‌టైనర్‌గా సాగుతూ.. ఆఖరున మరో షేడ్‌లోకి సినిమాను తీసుకెళ్తారట. యోగిబాబులోని కామెడీనే కాదు.. అన్ని రకాల నటనను బయటకు తీసేలా కథ సిద్ధం చేశారని టాక్‌. మరి దర్శకుడిగా మారుతున్న జయం రవి ఎలాంటి ఫలితం అందుకుంటారో చూడాలి. అన్న మోహన్‌ రాజా (Mohan Raja) ఇప్పటికే స్టార్‌ డైరక్టర్‌.

34 ఏళ్ల తర్వాత బ్లాక్‌బస్టర్‌ పేరుతో రాబోతున్న రాజశేఖర్‌..!