నిన్న విడుదలైన “పుష్ప 2” ట్రైలర్ లో మాస్ ఎలివేషన్స్ కంటే ఎక్కువగా ఆకట్టుకున్న విషయంలో పుష్ప-శ్రీవల్లి మధ్య ఎమోషన్. “శ్రీవల్లి నా పెళ్ళాం, పెళ్ళాం మాట మొగుడు వింటే ఎట్టా ఉంటదో.. పెపంచకానికి చూపిస్తా” అంటూ బన్నీ (Allu Arjun) చెప్పిన డైలాగ్ అతడి క్యారెక్టరైజేషన్ లోని కొత్త ఎమోషన్ ను పరిచయం చేసింది. ముఖ్యంగా పుష్ప ట్రేడ్ మార్క్ మ్యానరిజంను రష్మిక (Rashmika) కాలితో చేయడం అనేది సుకుమార్ మార్క్ ను అద్భుతంగా ఎలివేట్ చేసింది.
అయితే.. ట్రైలర్ విడుదలయ్యాక అందరూ అల్లు అర్జున్ & సుకుమార్ మీద ప్రశంసల వర్షం కురిపించడంతోపాటు, రష్మికను(Rashmika) చూసి కుళ్లుకుంటున్నారు. ఎందుకంటే.. బాలీవుడ్ స్టార్ హీరో అయిన రణబీర్ కపూర్ తో “యానిమల్”లో నటించినప్పుడు అతడితో కాళ్ళు పట్టించుకుని మరి సారీ చెప్పించుకునే సన్నివేశం ఎంత పాపులర్ అయ్యిందో ప్రత్యేకంగా చెప్పాల్సిన అవసరం లేదు.
ఇప్పుడు “పుష్ప 2” ట్రైలర్ లో బన్నీ ఏకంగా రష్మిక(Rashmika) కాలితో గెడ్డం సవరదీయడం అనేది పీక్ ఎలివేషన్ లా మారింది. ఇలా ఇద్దరు సూపర్ స్టార్ హీరోలతో కాళ్ళు పట్టించుకున్న ఏకైక హీరోయిన్ గా రష్మిక(Rashmika) చరిత్ర సృష్టించింది అనే చెప్పాలి.
గత ఏడాది “యానిమల్” తర్వాత రష్మిక(Rashmika) నటించిన మరో సినిమా విడుదలవ్వలేదు. అయితే.. ఆ లోటును ఈ ఏడాది చివర్లో “పుష్ప 2”తో తీర్చేయనుంది అమ్మడు. అదే విధంగా వచ్చే ఏడాది మొదట్లోనే “ఛావా” అనే హిందీ సినిమాతో మరోసారి ప్రేక్షకుల్ని పలకరించనుంది. ఈ రెండు సినిమాలు హిట్ అయ్యాయి అంటే.. రష్మిక(Rashmika) ప్యాన్ ఇండియన్ క్రేజ్ తో బాలీవుడ్ లో సెటిల్ అయిపోతుందేమో. ఆల్రెడీ అక్కడ ఇల్లు కొనుక్కుని ఆఫర్ల కోసం తెగ శ్రమిస్తోంది రష్మిక మందన్న.
Home
