బడా సినిమాలకు తప్పని కష్టాలు!

ముగ్గురు హీరోలు… మూడు బడా సినిమాలు…ఒకేసారి బాక్స్ ఆఫీస్ పై దాడి చేస్తే…ఒకేసారి దసరా టార్గెట్ గా బరిలో దిగితే ఎలా ఉంటుంది?…ఇంకెలా ఉంటుంది బయ్యర్స్ గుండెల్లో రైళ్లు పరిగేడతాయ్…అవును ఇప్పుడు అడ్ఫె సీన్ జరుగుతూ ఉంది….దసరా బరిలో ముగ్గురు హీరోలు దిగుతున్నారు…గతంలో ఎన్నడూ లేని విధంగా సెప్టెంబర్ లో జరగబోతున్న దసరాను నమ్ముకుని యంగ్ టైగర్ ఎన్టీఆర్…నందమూరి నటసింహం బాలకృష్ణ, అదే క్రమంలో ప్రిన్స్ మహేష్ బాబులు చేస్తున్న సాహసం ఎవరికీ అర్థంకాని విషయంగా మారింది. ఈ ముగ్గురు నటించిన మూడు భారీ సినిమాలు కేవలం 10 రోజుల వ్యవధిలోనే విడుదల అవుతున్న నేపధ్యంలో ఈ ముగ్గురి భారీ సినిమాలను భారీ రేట్లకు కొనుకున్న బయ్యర్లు బెదిరిపోతూ ఈ సినిమాల రేట్లను తగ్గించమని లేదంటే ఈ సినిమాల ఎగ్రిమేంట్ల నుండి తాము తప్పుకుంటాము అంటూ సంకేతాలు ఈ సినిమా నిర్మాతలకు ఇస్తున్నట్లు టాక్. సామాన్యంగా టాప్ హీరోల సినిమాలను ఆ సినిమాల టాక్ తో సంబంధం లేకుండా ఆ సినిమాలకు వచ్చే భారీ ఓపెనింగ్స్ ను ఫస్ట్ వీక్ కలక్షన్స్ ను నమ్ముకుని బయ్యర్లు కొనుక్కుంటు ఉంటారు.

అయితే కేవలం 10 రోజుల వ్యవధిలో మూడు భారీ సినిమాలు విడుదల అంటే ఆ సినిమాను చూడటానికి ప్రేక్షకులు ఆ సినిమాలను ప్రదర్శించడానికి అత్యధిక ధియేటర్లు ఎక్కడ నుంచి దొరుకుతాయి అన్న అయోమయంలో ఈ మూవీల బయ్యర్లు ఉన్నట్లు టాక్. మరోపక్క ఈ మూడు సినిమాలకు జరుగుతున్న బిజినెస్ దాదాపు 250 కోట్లు అని ట్రేడ్ వర్గాల అంచనా. కేవలం దసరా సెలవులు ఉండే వారం రోజులు నమ్ముకుని జరుగుతున్న ఈ సాహసం నిజంగా అందరినీ ఆశ్చర్య పరుస్తుంది. మొత్తంగా చూసుకుంటే ఈ మూడు సినిమాల్లో ఏదో ఒక సినిమా వాయిదా పడక పోయినా…ఎవరో ఒక హీరో వెనక్కి తగ్గకపోయినా…బయ్యర్స్ కి కష్టాలు తప్పవు అన్న విషయం స్పష్టంగా అర్ధం అవుతుంది. మరి చూద్దాం ఏం జరుగుతుందో.

Also, do SUBSCRIBE to our YouTube channel to get latest Tollywood updates.