దసరా సీజన్ లో తలపడనున్న స్టార్ హీరోల సినిమాలు

తెలుగు సినిమా వారికి మూడు కీలకమైన సీజన్స్ ఉన్నాయి. అవి సంక్రాంతి, వేసవి, దసరా.. ఈ సీజన్స్ లో సినిమాలు రిలీజ్ చేయడానికి స్టార్ హీరోలు ప్రయత్నిస్తుంటారు. ఈ ఏడాది సంక్రాంతి, వేసవి హంగామా ముగిసిపోయింది. ఇక దసరా సీజన్ మిగిలి ఉంది. అప్పుడు కూడా స్టార్ హీరోల సినిమాల సందడి ఉండడనుంది. పూరి జగన్నాథ్, బాలకృష్ణ కాంబినేషన్లో తెరకెక్కుతున్న సినిమా సెప్టెంబర్ 29న రిలీజ్ కానున్నట్లు షూటింగ్ మొదలైన రోజే ప్రకటించారు. ఈ తేదీలో మార్పు లేదు. మహేష్ బాబు, మురుగ దాస్ కాంబినేషన్లో రూపుదిద్దుకుంటున్న స్పైడర్ వేసవికి థియేటర్లోకి రావాలి.

కానీ వాయిదాల మీద వాయిదాలు పడుతూ సెప్టెంబర్ లో రిలీజ్ కావడం ఖరారు అయింది. హ్యాట్రిక్ హిట్స్ తో దూసుకుపోతోన్న ఎన్టీఆర్ బాబీ దర్శకత్వంలో జై లవకుశ మూవీ చేస్తున్నారు. దీనిని సెప్టెంబర్ 1న రిలీజ్ చేయాలనీ నిర్మాత కళ్యాణ్ రామ్ అనుకుంటున్నారు. ధృవ తర్వాత రామ్ చరణ్ చేస్తున్న సినిమాకూడా వేగంగా షూటింగ్ జరుపుకుంటోంది. సుకుమార్ దర్శకత్వంలో తెరకెక్కుతోన్న ఈ సినిమా కూడా సెప్టెంబర్ లోనే సందడి చేయనుంది. ఇలా  స్టార్ హీరోల సినిమాలు తెలుగు సినీ ప్రేక్షకులకు పండుగ వాతావరణాన్ని నెల రోజులపాటు కొనసాగించనున్నాయి.

Also, do SUBSCRIBE to our YouTube channel to get latest Tollywood updates.