Anushka, Suhas: అనుష్క సినిమాతోపాటుగా వస్తున్న సుహాస్ సినిమా

సుహాస్ (Suhas) ఇప్పుడిప్పుడే హీరోగా సెటిల్ అవుతున్నాడు. అతడు హీరోగా నటించిన సినిమాలకి మంచి రివ్యూలు, మౌత్ టాక్ వస్తున్నా, కమర్షియల్ గా వర్కవుట్ అవ్వడం లేదని ఇండస్ట్రీ ఇన్సైడ్ టాక్. రెమ్యునరేషన్ విషయంలో మాత్రం తగ్గడం లేదు సుహాస్ (Suhas). అందుకే కుదిరినంతలో సోలో రిలీజ్ లేదా ఏవైనా చిన్న సినిమాలు ఉన్నప్పుడే సుహాస్ (Suhas) సినిమా రిలీజ్ చేయడానికి నిర్మాతలు మొగ్గు చూపుతుంటారు.

Anushka, Suhas

అలాంటిది సుహాస్ (Suhas) తాజా సినిమా “ఓ భామ అయ్యో రామ” (Oh Bhama Ayyo Rama) జూలై 11న విడుదలవుతున్నట్లు ప్రకటించారు చిత్ర బృందం. నిజానికి అదే తేదీకి వస్తున్నట్లు “ఘాటి” (Ghaati) టీమ్ ఎప్పుడో ఎనౌన్స్ చేశారు. కృష్ణ (Krishna) దర్శకత్వంలో అనుష్క (Anushka) ప్రధాన పాత్రలో రూపొందుతున్న ఆ సినిమా టీజర్ మంచి హైప్ క్రియేట్ చేసింది. అది సీరియస్ కంటెంట్ సినిమా, అందులోనూ అనుష్క (Anushka) అనగానే మంచి ఓపెనింగ్స్ ఉంటాయి.

అలాంటి తరుణంలో ఓ కామెడీ ఎంటర్టైనర్ తో సుహాస్ (Suhas) ఆడియన్స్ ను ఏమేరకు థియేటర్లకి రప్పించగలడు అనేది ప్రశ్నార్ధకం.అయితే.. గత కొన్ని రోజులుగా “ఘాటి” (Ghaati) పోస్ట్ పోన్ అయ్యే అవకాశాలు ఉన్నాయని, సీజీ వర్క్ ఇంకా పూర్తవ్వలేదనే టాక్ నడుస్తోంది. సో, సుహాస్ & టీమ్ కి ఆ విషయంలో ఏమైనా కన్ఫర్మేషన్ వచ్చి “ఓ భామ అయ్యో రామ”ను జూలై 11కి తీసుకొచ్చారేమో అనిపిస్తోంది.

మరి ఈ విషయంలో క్లారిటీ రావాలంటే “ఘాటి” (Ghaati) టీమ్ తమ రిలీజ్ డేట్ ను మరోసారి కన్ఫర్మ్ చేయాలి. ఒకవేళ.. “ఘాటి” (Ghaati) జూలై 11 డేట్ నుంచి తప్పుకుంటే, తదుపరి రిలీజ్ డేట్ ఎప్పడు దొరుకుతుంది అనేది ప్రశ్నార్థకమే. ఎందుకంటే మళ్లీ అక్టోబర్ వరకు గ్యాప్ లేదు. వరుసబెట్టి పెద్ద సినిమాలు రిలీజ్ కి రెడీగా ఉన్నాయి. జూలై 4న సుహాస్(Suhas)-కీర్తిసురేష్ (Keerthy Suresh) నటించిన “ఉప్పు కప్పురంబు” (Uppu Kappu Rambu) అనే సినిమా కూడా అమెజాన్ ప్రైమ్ లో రిలీజ్ అవుతోంది. ఒకే నెలలో సుహాస్ (Suhas) రెండుసార్లు ప్రేక్షకుల్ని పలకరించనున్నాడన్నామట.

రీమిక్స్ సాంగ్ విషయంలో మనసు మార్చుకున్న ‘రాజాసాబ్’ టీం..!