రంగస్థలం సినిమా వర్క్ డెడ్ లైన్ ని ఖరారు చేసిన సుకుమార్

ధృవ సినిమా తర్వాత ఆలస్యంగానైనా అద్భుతమైన కథను రామ్ చరణ్ ఒకే చేశారు. డైరక్టర్ సుకుమార్ దర్శకత్వంలో గ్రామీణ యువకుడిగా నటిస్తున్నారు. “రంగస్థలం 1985 ” అనే టైటిల్ తో తెరకెక్కుతోన్న ఈ సినిమా రాజమండ్రిలోని అందమైన ప్రాంతంలో రెండు షెడ్యూళ్లు పూర్తి చేసుకుంది. రామ్ చరణ్, సమంతలపై కీలక సన్నివేశాలను తెరకెక్కించారు. కొత్త షెడ్యూల్  హైదరాబాద్లో గతనెల 24 న మొదలయింది. 1985 రోజుల్లో, ఓ పల్లెటూరు ఎలా ఉంటుందో అచ్చంగా అలాంటి వాతావరణాన్ని కళా దర్శకుడు రామకృష్ణ సృష్టించారు. 5 కోట్లతో నిర్మితమైన సెట్లో ఈనెల మొత్తం నిరంతరాయంగా షూటింగ్ జరగనుంది.

ఈ షెడ్యూల్ లో హీరో హీరోయిన్ తో పాటు జగపతిబాబు, ఆది పినిశెట్టి, అనసూయ తదితరులు పాల్గొననున్నారు.  మైత్రీ మూవీస్ నిర్మిస్తోన్న ఈ మూవీకి తాజాగా వర్క్ డెడ్ లైన్ ని సుకుమార్ ఫిక్స్ చేశారు. అక్టోబర్ లాస్ట్ వీక్ నాటికి ప్రొడక్షన్ వర్క్ మొత్తం కంప్లీట్ కావాలని చెప్పారంట. నవంబర్ లో పోస్ట్ ప్రొడక్షన్ కంప్లీట్ చేసి డిసెంబర్ లో రిలీజ్ చేయాలనీ, ఈ విషయాలను దృష్టిలో పెట్టుకొని యూనిట్ సభ్యులు పనిచేయాలని డైరక్టర్ ఆర్డర్ వేసినట్లు తెలిసింది.

Also, do SUBSCRIBE to our YouTube channel to get latest Tollywood updates.