‘ఆహా’ కోసం సుకుమార్ ఓ వెబ్‌ సిరీస్‌ చేస్తున్నాడని చాలా రోజుల క్రితం వార్తలొచ్చాయి. అయితే ఏమైందో ఏమో కానీ, ఆ తర్వాత పెద్దగా ఎలాంటి సమాచారం బయటకు రాలేదు. ఈలోపు సుకుమార్ ‘పుష్ప’ పనుల్లో బిజీ అయిపోయారు.ఇప్పుడు సినిమా విడుదలై కాస్త తీరిక దొరికింది. రెండో పార్టు ‘పుష్ప’ షూటింగ్‌ ఫిబ్రవరిలో మొదలవుతుందని ఇప్పటికే నిర్మాతలు చెప్పేశారు. ఈ నేపథ్యంలో మళ్లీ ఆ వెబ్‌ సిరీస్‌ పుకార్లు బయటికొచ్చాయి. అయితే ఈసారి అవి పుకార్లుగా మాత్రమే మిగిలిపోకుండా… నిజమయ్యేలా కనిపిస్తున్నాయి.
‘ఆహా’ కోసం చేస్తున్న వెబ్‌ సిరీస్‌కు సుకుమార్ డైరెక్ట్‌గా రంగంలోకి దిగడం లేదనే విషయం తెలిసిందే. తన శిష్యుణ్ని దర్శకుడిగా పెడుతూ ఆ సిరీస్‌ కోసం కథ, తదితర సహకారాలు అందిస్తున్నారట. ‘సుకుమార్ రైటింగ్స్‌’ పేరు మీద ఈ సిరీస్‌ రూపొందిస్తారని సమాచారం. అన్నీ అనుకున్నట్లుగా సాగితే వచ్చే నెలలోనే ఈ సిరీస్‌ షూటింగ్‌ ప్రారంభమవుతుందని సమాచారం. గతంలోనే ఈ సిరీస్‌ గురించి సుకుమార్ మూడు నెలలు కూర్చున్నాడు.
ఇప్పుడు ఇంకొన్ని మార్పులు, చేర్పులు చేస్తే సెట్ అయిపోతుంది అంటున్నారు. ఇక కొత్త విషయానికొస్తే… ఈ వెబ్‌సిరీస్‌కు ‘పుష్ప’కు దగ్గర పోలికలు ఉంటాయి అంటున్నారు. జీరో నుండి హీరోగా ఎదిగిన ఓ వ్యక్తి కథే ఈ వెబ్‌సిరీస్‌ అని టాక్‌. ఈ సినిమా కూడా స్మగ్లింగ్‌, డాన్‌, డెన్‌ బ్యాక్‌డ్రాప్‌లోనే ఉంటుందట. గతంలో బడ్జట్‌ లెక్కలతో ఆగిపోయిన ఈ సిరీస్‌ను ఇప్పుడు బయటకు తీసుకురావడానికి కూడా ఒక కారణం ఉంది అంటున్నారు.
ఈ సిరీస్‌ ప్రచారం వల్ల అటు ‘ఆహా’కి ఇటు ‘పుష్ప’ సెకండ్‌ పార్ట్‌కి లాభం చేకూరుతుంది అనుకుంటున్నారట. ఇక ఈ వెబ్‌సిరీస్‌లో ఒక పేరు మోసిన యాక్టరే నటిస్తాడు అని టాక్‌. అంటే మరీ స్టార్‌ హీరోలను ఎక్స్‌పెక్ట్‌ చేయలం కానీ… కాస్త మాస్ ఇమేజ్‌ ఉన్న హీరోనే తీసుకుంటున్నారని తెలుస్తోంది. అయితే ఆ హీరో ఎవరు, సిరీస్‌ పేరు ఏం ఉండొచ్చు లాంటి వివరాలు త్వరలోనే వెల్లడవుతాయి. అయితే ఈ సిరీస్‌ను హ్యాండిల్‌ చేసే సుకుమార్ దర్శకుడు ఎవరు అనేది కూడా అప్పుడే తెలుస్తుంది.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home
