నాగార్జున – ధనుష్- శేఖర్ కమ్ముల కాంబినేషన్లో ‘కుబేర’ (Kuberaa) అనే సినిమా వచ్చింది. జూన్ 20న ప్రేక్షకుల ముందుకు వచ్చిన ఈ సినిమా మొదటి షోతోనే హిట్ టాక్ తెచ్చుకుంది. బాక్సాఫీస్ వద్ద బ్రేక్ ఈవెన్ సాధించడమే కాకుండా ఇప్పటికీ మంచి వసూళ్లు రాబడుతుంది. ఇదిలా ఉండగా.. ‘కుబేర’ లో దీపక్(నాగార్జున) కి భార్య పాత్రలో ఓ నటి కనిపించింది. శిల్పా అనే పాత్రలో కనిపించిన ఈమెను ఆడియన్స్ పెద్దగా నోటీస్ చేయలేకపోయారు.
‘నాగార్జున (Nagarjuna) పక్కన ఎవరో కొత్త అమ్మాయిని పెట్టారేంటి’ అంటూ కామెంట్స్ చేసిన వారు కూడా ఉన్నారు. సినిమాలో ఈ పాత్ర నిడివి ఎక్కువగా ఉండదు. కానీ ఈ పాత్ర వల్లే అసలు కథ మొదలవుతుంది. కానీ క్లైమాక్స్ లో ఈ పాత్రకి సరైన ఎండింగ్ ఇవ్వలేదు. దీపక్.. తన భార్య శిల్పా, కూతుర్ని విదేశాలకి పంపించేసినట్టు చూపించారు.
కానీ దీపక్ (Nagarjuna) పాత్ర చనిపోయాక వాళ్ళని చూపించరు. ఆ విషయాలు పక్కన పెట్టేస్తే.. శిల్పా పాత్రలో కనిపించిన నటి సునయన ఎల్లా (Sunaina Yella) . ఈమె మహారాష్ట్రకు చెందిన అమ్మాయి. కానీ తమిళంలో క్లిక్ అయ్యింది. అయితే నటిగా కెరీర్ ప్రారంభించింది తెలుగు సినిమాలతోనే. గతంలో ఈమె తెలుగులో ‘కుమార్ వర్సెస్ కుమారి’ ‘సంథింగ్ స్పెషల్’ ’10th క్లాస్’ ‘రాజ రాజ చోర’ వంటి సినిమాల్లో నటించింది.
అయితే వాటిలో ఈమె రోల్స్ కి ఆశించిన రెస్పాన్స్ రాలేదు. ‘కుబేర’ లో మాత్రం ఈమె నటన బాగుంది. కానీ పాత్రకు నిడివి లేకపోవడం కొంత డిజప్పాయింట్మెంట్ అని చెప్పాలి.
Home