ఈ మధ్య కాలంలో యంగ్ హీరోలు, మిడిల్ రేంజ్ హీరోలు తమ సినిమాల ఈవెంట్ల కోసం స్టార్ హీరోలు, హీరోయిన్లను ఆహ్వానిస్తూ విడుదలకు ముందే సినిమాలపై అంచనాలు పెరిగేలా జాగ్రత్త పడుతున్న సంగతి తెలిసిందే. నాగచైతన్య సాయిపల్లవి కాంబినేషన్ లో లవ్ స్టోరీ సినిమా తెరకెక్కగా వచ్చే నెల 16వ తేదీన ఈ సినిమా విడుదల కానుంది. ఇప్పటికే ఈ సినిమాపై సారంగదరియా పాట అంచనాలను భారీగా పెంచింది. సమంత చేతుల మీదుగా సారంగదరియా పాట విడుదల కాగా ఈ సినిమాలోని ఏవో ఏవో కలలే పాట మహేష్ బాబు చేతుల మీదుగా విడుదల కానుంది.
మహేష్ బాబు చేతుల మీదుగా రేపు ఉదయం 10.08 గంటలకు ఈ పాట విడుదల కానున్నట్టు చిత్రయూనిట్ నుంచి అధికారిక ప్రకటన వెలువడింది. చిత్రయూనిట్ ఈ పాటకు సంబంధించి ఒక పోస్టర్ ను విడుదల చేయగా ఆ పోస్టర్ లో చైతన్య, సాయిపల్లవి తడుస్తూ స్టెప్పులేస్తున్నారు. మహేష్ బాబు విడుదల చేస్తున్న ఈ పాట ప్రేక్షకులను ఆకట్టుకుంటుందో లేదో చూడాల్సి ఉంది. నాగచైతన్యకు మహేష్ బాబు సపోర్ట్ అందడంతో లవ్ స్టోరీ సినిమాపై మహేష్ బాబు ఫ్యాన్స్ కు కూడా ఆసక్తి ఏర్పడే అవకాశాలు ఉన్నాయి.
మహేష్ చేతుల మీదుగా పాట విడుదలవుతూ ఉండటంతో చైతన్య అభిమానుల ఆనందానికి కూడా అవధులు లేకుండా పోయాయి. మరోవైపు లవ్ స్టోరీ సినిమాతో పాటు చైతన్య థ్యాంక్యూ అనే సినిమాలో నటిస్తున్నారు. థ్యాంక్యూ సినిమాలో నాగచైతన్య మహేష్ బాబు ఫ్యాన్ గా కనిపించనున్న సంగతి తెలిసిందే. ఇప్పటికే థ్యాంక్యూ సినిమాకు సంబంధించి లీకైన కొన్ని స్టిల్స్ ప్రేక్షకులను ఎంతగానో ఆకట్టుకున్నాయి. నాని గ్యాంగ్ లీడర్ సినిమా తరువాత విక్రమ్ కె కుమార్ దర్శకత్వం వహిస్తున్న సినిమా ఇదే కావడం గమనార్హం.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
