బెల్లంకొండ గణేష్ హీరోగా పరిచయమవుతూ చేసిన మొదటి చిత్రం ‘స్వాతి ముత్యం’.నూతన దర్శకుడు లక్ష్మణ్ కె కృష్ణ తెరకెక్కించిన ఈ చిత్రాన్ని ‘సితార ఎంటర్టైన్మెంట్స్’ బ్యానర్ పై సూర్యదేవర నాగ వంశీ నిర్మించాడు. వర్ష బొల్లమ్మ ఈ చిత్రంలో హీరోయిన్ గా నటించింది. అక్టోబర్ 5న విజయదశమి కానుకగా ఈ చిత్రం రిలీజ్ కాబోతుంది. అదే రోజు ‘గాడ్ ఫాదర్’ ‘ఘోస్ట్’ వంటి పెద్ద సినిమాలు రిలీజ్ అవుతుండడంతో ఈ సినిమా పై అందరి దృష్టి పడింది.
ఓ చిన్న సినిమాని ఏ ధైర్యంతో రెండు పెద్ద సినిమాల మధ్య దింపుతున్నారు అనే ప్రశ్నతో ఈ సినిమా అందరి దృష్టిని ఆకర్షించిందని చెప్పొచ్చు. టీజర్, ట్రైలర్ వంటివి కూడా ప్రామిసింగ్ గా ఉండడంతో కచ్చితంగా ఈ సినిమా మంచి విజయం సాధించే అవకాశాలు ఉన్నాయి అని అంతా ఆశాభావం వ్యక్తం చేస్తున్నారు. ఈ చిత్రం ఓ క్లీన్ ఫ్యామిలీ ఎంటర్టైనర్ గా తెరకెక్కింది అని చిత్ర బృందం తరచు చెబుతూనే ఉంది. అంతేకాకుండా.. ఓ బోల్డ్ పాయింట్ ను టచ్ చేసినట్టు కూడా నిర్మాత తెలిపారు.
ఆ బోల్డ్ పాయింట్ ఏంటి అన్నది ఆరా తీస్తే.. ‘సినిమా చూసి తెలుసుకోవాలి’ అంటూ మాట దాటేసారు. అయితే అందుతున్న సమాచారం ప్రకారం.. హీరో సుమంత్ నటించిన ఓ ప్లాప్ సినిమా కాన్సెప్ట్ తోనే ఈ ‘స్వాతి ముత్యం’ తెరకెక్కిందట. 2016 లో సుమంత్ హీరోగా ‘నరుడా డోనరుడా’ అనే చిత్రం రూపొందింది. ఈ చిత్రంలో హీరో తన వీర్యాన్ని దానం చేస్తూ ఉంటాడు. బాలీవుడ్లో సూపర్ హిట్ అయిన విక్కీ డోనర్ కు ఇది రీమేక్.
అయితే ‘నరుడా డోనరుడా’ చిత్రం బాక్సాఫీస్ వద్ద డిజాస్టర్ గా మిగిలింది. కానీ ఈ చిత్రాన్ని రిలీజ్ కాకుండా ఆపెయ్యాలి అంటూ కొందరు అభ్యంతరాలు తెలిపారు. ఆ రకంగా ఈ మూవీ కాన్సెప్ట్.. కాంట్రవర్సీకి దారి తీసింది. ‘స్వాతి ముత్యం’ విషయంలో ఇలాంటి కాంట్రవర్సీలు ఎందుకు అనే ఉద్దేశంతో … ఆ కాన్సెప్ట్ ను బయటకు చెప్పడం లేదు అని స్పష్టమవుతుంది.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
