“అర్జున్ రెడ్డి” విడుదలై ఇంకో మూడు నెలల్లో ఏడాది పూర్తికావస్తోంది. ఇప్పటివరకూ విజయ్ దేవరకొండ హీరోగా కానీ నటుడిగా మరో హిట్ అందుకోలేకపోయాడు. ఆ తర్వాత అతడు నటించిన ఎప్పుడో నటించిన సినిమా “ఏ మంత్రం వేసావే” డిజాస్టర్ గా నిలవగా.. “మహానటి”లో పోషించిన ఆంటోనీ రోల్ సినిమాకి ఏమాత్రం ఉపయోగపడకపోగా విజయ్ నటన విమర్శలపాలవ్వడంతో విజయ్ దేవరకొండకి అర్జెంటుగా హీరోగాకంటే నటుడిగా తన స్టామినా ప్రూవ్ చేసుకోవాల్సిన పరిస్థితి ఏర్పడింది. “ట్యాక్సీవాలా”తో ఆ ముచ్చట తీర్చుకుందాం అనుకున్నాడు విజయ్.
కానీ.. సినిమాకి సంబంధించిన సీజీ వర్క్ ఇంకా చాలా పెండింగ్ ఉండడంతో.. ముందు ప్రకటించినట్లుగా మే 18న విడుదలవ్వడం లేదు. జూన్ లో విడుదల చేద్దామనుకొంటున్నారట. ఈ విషయాన్ని విజయ్ దేవరకొండ తన ట్విట్టర్ ఎకౌంట్ ద్వారా తెలియజేశాడు. ఇక “అర్జున్ రెడ్డి” తర్వాత వరుసబెట్టి ఎనౌన్స్ అయిన విజయ్ దేవరకొండ ప్రొజెక్ట్స్ లో ఒక్కటి కూడా ఇప్పటివరకు షూటింగ్ పూర్తి చేసుకోకపోవడం గమనార్హం. విజయ్ గనుక సరిగ్గా ప్లాన్ చేసుకోకపోతే కెరీర్ పీక్ స్టేజ్ లో ఉండగానే ఎండ్ అయిపోయే అవకాశాలు పుష్కలంగా ఉన్నాయి.
Home
