టాలీవుడ్ ఇండస్ట్రీలోని ప్రముఖ హీరోలలో ఒకరైన అఖిల్ (Akhil Akkineni) ప్రస్తుతం వరుస సినిమాలతో బిజీగా ఉన్న సంగతి తెలిసిందే. అఖిల్ కొత్త డైరెక్టర్ డైరెక్షన్ లో ధీర అనే సినిమాలో నటిస్తున్నట్టు గతంలో వార్తలు ప్రచారంలోకి రాగా ఈ ప్రాజెక్ట్ కు సంబంధించి ఎలాంటి అప్ డేట్స్ అయితే రాలేదు. అయితే అఖిల్ ధీర ప్రాజెక్ట్ తో పాటు మరో సినిమాకు ఓకే చెప్పారని ఆ సినిమాకు లెనిన్ అనే టైటిల్ ఫిక్స్ చేశారని సమాచారం అందుతోంది.
వినరో భాగ్యము విష్ణు కథ (Vinaro Bhagyamu Vishnu Katha) ఫేమ్ మురళి కిషోర్ అబ్బూరు డైరెక్షన్ లో ఈ సినిమా తెరకెక్కనుందని తెలుస్తోంది. ఈ సినిమాను నాగార్జున (Nagarjuna), నాగచైతన్య (Naga Chaitanya) నిర్మించనున్నారని భోగట్టా. చిత్తూరు బ్యాక్ డ్రాప్ లో ఈ సినిమా తెరకెక్కనుందని ఇండస్ట్రీ వర్గాల్లో వినిపిస్తోంది. అఖిల్ నటించిన సినిమాలలో మోస్ట్ ఎలిజిబుల్ బ్యాచిలర్ (Most Eligible Bachelor) మినహా మిగతా సినిమాలు ప్రేక్షకులను పెద్దగా ఆకట్టుకోలేదనే సంగతి తెలిసిందే.
అఖిల్ కు స్టార్ స్టేటస్ రావడానికి నాగార్జున తన వంతు కష్టపడుతున్నారని సమాచారం అందుతోంది. అక్కినేని అఖిల్ భవిష్యత్తు ప్రాజెక్ట్ లపై నాగ్ సైతం ఫోకస్ పెడుతున్నారని తెలుస్తోంది. అక్కినేని అఖిల్ బ్యాక్ టు బ్యాక్ ప్రాజెక్ట్ లతో సత్తా చాటుతూ కెరీర్ పరంగా మరింత ఎదగాలని అభిమానులు కోరుకుంటున్నారు. అక్కినేని అఖిల్ లుక్స్ కు ఎంతోమంది వీరాభిమానులు ఉన్నారు.
కథల ఎంపికలో చేసిన కొన్ని పొరపాట్లు అఖిల్ కు మైనస్ అయ్యాయని చాలామంది భావిస్తున్నారు. అఖిల్ పాన్ ఇండియా హీరోగా ఎదగాలని ఫ్యాన్స్ కోరుకుంటున్నారు. కెరీర్ కు సంబంధించి అఖిల్ ప్లాన్స్ ఏ విధంగా ఉన్నాయో తెలియాల్సి ఉంది. అఖిల్ రెమ్యునరేషన్ పరిమితంగానే ఉందని సమాచారం అందుతోంది. అఖిల్ ను అభిమానించే ఫ్యాన్స్ సంఖ్య అంతకంతకూ పెరుగుతోంది.
Home