ఈ భూప్రపంచం మీద మనుషుల కంటే ఎక్కువ స్మార్ట్ ఫోన్స్ ఉన్నాయని మొన్నామధ్య ఓ అమెరికన్ రీసెర్చ్ సంస్థ వెల్లడించింది. 2020 కల్లా ప్రతి సగటు వ్యక్తి దగ్గర ఒక స్మార్ట్ ఫోన్ ఉండడం ఖాయమని కూడా తెలిపారు. కానీ.. వరుస విజయాలతో స్టార్ డమ్ ఎంజాయ్ చేస్తూ, ప్రతి పండక్కి సైలెంట్ గా వస్తూ విన్నరైపోతున్న శర్వానంద్ మాత్రం ఈ స్మార్ట్ ఫోన్ లకు చాలా దూరంగా ఉంటాడట.
అలాగని ఫోన్ వాడడానే కాదు కానీ.. ఇంటర్నెట్ మొదలుకొని వాట్సాప్ వరకూ ఎలాంటి యాప్స్ లేని నోకియా బ్లాక్ అండ్ వైట్ ఫోన్ ను కేవలం కాల్స్ కోసం వాడతాడట. ఈ విషయాన్ని సంగీత దర్శకుడు తమన్ తన ట్విట్టర్ ద్వారా తెలియజేశాడు. మరి స్మార్ట్ హీరో శర్వానంద్ చేతిలో స్మార్ట్ ఫోన్ లేకపోవడం, సోషల్ మీడియాలో యాక్టివ్ లేకపోవడం వంటివి ఆయన అభిమానులను కాస్తంత షాక్ కు గురి చేసే విషయమే.
