Thaman, Mahesh Babu: మహేష్ తో అలాంటి పాట పాడిస్తానన్న థమన్!

ప్రస్తుతం ఇండస్ట్రీలో స్టార్ మ్యూజిక్ డైరెక్టర్ థమన్ హవా కొనసాగుతున్న సంగతి తెలిసిందే. థమన్ పాటలకు, బీజీఎంకు ప్రేక్షకుల నుంచి మంచి మార్కులు పడుతున్నాయి. ప్రస్తుతం టాలీవుడ్ నంబర్1 మ్యూజిక్ డైరెక్టర్ ఎవరనే ప్రశ్నకు థమన్ పేరు సమాధానంగా వినిపిస్తోంది. ఇతర ఇండస్ట్రీల నుంచి కూడా థమన్ కు చెప్పుకోదగ్గ స్థాయిలో ఆఫర్లు వస్తున్నాయి. అయితే థమన్ తను మ్యూజిక్ అందించిన సినిమాలలో హీరోలతో పాటలు పాడించడానికి ఆసక్తి చూపిస్తారనే సంగతి తెలిసిందే.

ఇప్పటికే పలువురు టాప్ హీరోలతో థమన్ పాటలు పాడించారు. మహేష్ బాబుతో కూడా థమన్ పాట పాడిస్తే బాగుంటుందని మహేష్ బాబు అభిమానులు కోరుకుంటున్నారు. అయితే మహేష్ తో పాడించాలని ట్రై చేసి తాను ఫెయిలయ్యానని థమన్ చెప్పుకొచ్చారు. బిజినెస్ మేన్ మూవీలో మహేష్ బాబుతో పాడించాలని తాను ప్రయత్నించానని మహేష్ రెండు గంటల్లో బయటకు వచ్చి ఈ వ్యవహారంతో నాకు సంబంధం లేదు బ్రదర్ అని చెప్పాడని థమన్ తెలిపారు.

మహేష్ తో పాట పాడించకపోయినా బిజినెస్ మేన్ లోని పాటలో డైలాగ్స్ చెప్పించానని థమన్ కామెంట్లు చేశారు. ఆ డైలాగ్స్ చాలా వైరల్ అయ్యాయని ఎంతోమంది ఆ డైలాగ్స్ ను రింగ్ టోన్స్ గా పెట్టుకున్నారని థమన్ చెప్పుకొచ్చారు. మహేష్ ను మాత్రం వదిలేది లేదని భవిష్యత్తులో మహేష్ కోసం ఒక పాటను కంపోజ్ చేస్తానని థమన్ కామెంట్లు చేశారు. మహేష్ తో ర్యాప్ సాంగ్ పాడించాలనే ఆలోచన తనకు ఉందని ఆయన అన్నారు.

థమన్ దూకుడు సినిమా కోసం తొలిసారి మహేష్ బాబు సినిమాకు పని చేశారు. మహేష్ నటించిన బిజినెస్ మేన్, ఆగడు సినిమాలకు సైతం థమన్ సంగీత దర్శకుడు కావడం గమనార్హం. సర్కారు వారి పాట సినిమాలోని పాటలు ప్రేక్షకులను ఎంతగానో ఆకట్టుకున్నాయి. కళావతి, మ మ మహేషా పాటలు ఈ సినిమాకు హైలెట్ గా నిలిచాయి. అయితే థమన్ బీజీఎం మాత్రం ఆశించిన స్థాయిలో లేదని నెటిజన్లు కామెంట్లు చేస్తున్నారు.

సర్కారు వారి పాట సినిమా రివ్యూ & రేటింగ్!

Most Recommended Video

10 ఏళ్ళ ‘గబ్బర్ సింగ్’ గురించి 12 ఆసక్తికరమైన విషయాలు..!
‘చెల్లమ్మ’ టు ‘మ మ మహేషా’.. జోనిత గాంధీ పాడిన 10 సూపర్ హిట్ పాటల లిస్ట్..!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు..!