అభిమానుల అంచనాలను రీచ్ అవుతాడా..?

December 22, 2020 / 02:11 PM IST

Join Us

టాలీవుడ్ లో స్టార్ మ్యూజిక్ డైరెక్టర్ గా దూసుకుపోతున్నాడు థమన్. ‘అల.. వైకుంఠపురములో’ సినిమా అతడి రేంజ్ ని బాగా పెంచేసింది. ప్రస్తుతం థమన్ చేతిలో క్రేజీ ప్రాజెక్ట్ లు ఉన్నాయి. మహేష్ బాబు నటిస్తోన్న ‘సర్కారు వారి పాట’ సినిమాతో పాటు పవన్ కళ్యాణ్ కొత్త సినిమాలు రెండింటికీ థమనే మ్యూజిక్ డైరెక్టర్. ఇప్పటికే ‘వకీల్ సాబ్’ సినిమా నుండి వచ్చిన తొలి పాట ‘మగువా మగువా’ అందరినీ ఆకట్టుకుంది. ఇక సినిమాలో థమన్ మ్యూజిక్ ఎలా ఉంటుందోనని ఆసక్తిగా ఎదురుచూస్తున్నారు.

మరోపక్క సితార ఎంటర్టైన్మెంట్ బ్యానర్ లో చేయనున్న ‘అయ్యప్పనుమ్ కోశియుమ్’ రీమేక్ కి కూడా థమన్ నే మ్యూజిక్ డైరెక్టర్ గా తీసుకున్నారు. ‘వకీల్ సాబ్’ సినిమా మహిళల సమస్యల చుట్టూ తిరిగే సినిమా. ఇందులో మాస్ మూమెంట్స్ పెద్దగా ఉండకపోవచ్చు కానీ పవన్ కళ్యాణ్ చేయబోయే కొత్త సినిమా సంగతి వేరు. అందులో పవన్ పాత్రకి ఎలివేషన్ సీన్లు ఓ రేంజ్ లో ఉంటాయి. ఒరిజినల్ కథని మించి పవన్ పాత్రని మరింత పవర్ ఫుల్ గా తీర్చిదిద్దుతున్నారు. ఒరిజినల్ లో ఆ పాత్రతో ముడిపడ్డ సన్నివేశాల్లో బ్యాక్ గ్రౌండ్ స్కోర్ బాగా హైలైట్ అయింది.

థమన్ దాన్ని మించిన బీజీఎం ఇవ్వబోతున్నాడని అర్ధమవుతోంది. తాజాగా రానా సినిమాలో నటించబోతున్నాడంటూ విడుదల చేసిన ఓ వీడియోలో బ్యాక్ గ్రౌండ్ స్కోర్ ఓ రేంజ్ లో ఉంది. రొటీన్ స్కోర్లను పక్కన పెట్టి భిన్నమైన బీజీఎం ఇచ్చాడు థమన్. అనౌన్స్మెంట్ వీడియోకే ఇలాంటి మ్యూజిక్ ఇచ్చాడంటే ఇక సినిమాలో థమన్ మోత మోగించడం ఖాయమని పవన్ ఫ్యాన్స్ నమ్ముతున్నారు. మరి వారి అంచనాలను రీచ్ అవుతాడో లేదో చూడాలి!