క్రేజీ ప్రాజెక్టులన్నీ తమన్ చేతుల్లోకే!

January 4, 2021 / 02:48 PM IST

Join Us

టాలీవుడ్ లో మ్యూజిక్ డైరెక్టర్ గా ప్రయాణం మొదలుపెట్టిన తమన్ ‘కిక్’ సినిమాతో తొలి సక్సెస్ అందుకున్నాడు. తక్కువ సమయంలోనే పెద్ద హీరోల సినిమాలకు మ్యూజిక్ చేసే ఛాన్స్ అందుకున్నాడు. కానీ ఎప్పుడూ కూడా దేవిశ్రీప్రసాద్ ని బీట్ చేయలేకపోయాడు. కానీ గత రెండేళ్లలో స్టోరీ మొత్తం మారిపోయింది. తమన్ భిన్నమైన ట్యూన్స్ ని ఇవ్వడంతో అతడి ఆడియోలకు మంచి రెస్పాన్స్ రావడం మొదలైంది. దీంతో భారీ బడ్జెట్ సినిమాలన్నీ తమన్ ని వెతుక్కుంటూ వచ్చాయి. ప్రస్తుతం తమన్ టాలీవుడ్ లో నెంబర్ వన్ మ్యూజిక్ డైరెక్టర్ గా దూసుకుపోతున్నాడు.

టాలీవుడ్ కి మాత్రమే పరిమితం కాకుండా ఇతర భాషల్లో కూడా తమన్ సినిమాలు చేస్తూ బిజీ అయిపోయాడు. 2021లో అతడి చేతిలో పది సినిమాలున్నాయంటే అతడి క్రేజ్ అర్ధమవుతోంది. ఇందులో అన్ని సినిమాలు దాదాపు ఇదే ఏడాదిలో రిలీజ్ అయ్యే ఛాన్స్ ఉంది. ముందుగా ‘క్రాక్’, ‘ఈశ్వరన్’ సినిమా ప్రేక్షకుల ముందుకు రానున్నాయి. ఇవి కాకుంగా.. పవన్ కళ్యాణ్ నటిస్తోన్న ‘వకీల్ సాబ్’, ‘అయ్యప్పనుమ్ కోశియుమ్’ రీమేక్ సినిమాకి సంగీతం తమనే అందిస్తున్నాడు.

అలానే మహేష్ బాబు నటిస్తోన్న ‘సర్కారు వారి పాట’ సినిమా మ్యూజిక్ డైరెక్టర్ కూడా తమనే. వీటితో పాటు నాని ‘టక్ జగదీష్’, వరుణ్ తేజ్ ‘బాక్సర్’, బాలకృష్ణ-బోయపాటి సినిమా లాంటి క్రేజీ ప్రాజెక్ట్ లు తమన్ చేతుల్లో ఉన్నాయి. ఈ తెలుగు సినిమాలతో పాటు కన్నడలో పునీత్ రాజ్ కుమార్ హీరోగా నటిస్తోన్న ‘యువరత్న’, మలయాళంలో పృథ్వీ రాజ్ నటిస్తోన్న ‘కడువ’ సినిమాలకు తమన్ మ్యూజిక్ అందిస్తుండడం విశేషం.