అక్కినేని నాగ చైతన్య (Naga Chaitanya) కి మొదటి సక్సెస్ అందించింది ‘ఏ మాయ చేసావే’ (Ye Maaya Chesave) చిత్రం. ఈ సినిమాతో సమంత (Samantha) హీరోయిన్ గా టాలీవుడ్ కి ఎంట్రీ ఇచ్చింది. ఈ సినిమాలో నాగ చైతన్య (Naga Chaitanya) – సమంత (Samantha) పెయిర్ కి మంచి మార్కులు పడ్డాయి. ఈ సినిమాలో చూపించినట్టే.. నిజజీవితంలో కూడా హిందూ, క్రిస్టియన్ సంప్రదాయాల్లో సమంత, నాగ చైతన్య..లు పెళ్లి చేసుకోవడం జరిగింది. 4 ఏళ్ళ పాటు ఈ జంట హ్యాపీగా కలిసున్నారు.
తర్వాత ఊహించని విధంగా విడాకులు తీసుకున్నారు. ఇప్పుడు ఎవరి లైఫ్ లో వాళ్ళు బిజీగా గడుపుతున్నారు.సరే వారి పర్సనల్ వ్యవహారాల సంగతి పక్కన పెట్టేస్తే.. సమంత – నాగ చైతన్య.. ఆన్ స్క్రీన్ హిట్ పెయిర్ అని ప్రత్యేకంగా చెప్పనవసరం లేదు. వీరి కాంబినేషన్లో ‘ఏ మాయ చేసావే’ తర్వాత ‘మనం’ (Manam) వచ్చింది. ఇందులో కూడా నాగ చైతన్యకి జోడీగా సమంత నటించింది. ఈ సినిమాలో కూడా వీళ్ళ పెయిర్ కి మంచి మార్కులు పడ్డాయి. ఆ సినిమా అక్కినేని ఫ్యామిలీకి పెద్ద బ్లాక్ బస్టర్ అందించింది.
అలాగే పెళ్ళైన తర్వాత నాగ చైతన్య – సమంత కాంబినేషన్లో ‘మజిలీ’ (Majili) వచ్చింది. ఇది కూడా పెద్ద విజయం సాధించింది. సో చైసామ్ ..లది హిట్ పెయిర్ అని అంతా అనుకుంటున్నారు. కానీ వాస్తవానికి వీరి కాంబినేషన్లో మరో సినిమా కూడా వచ్చింది. అది పెద్ద ప్లాప్ అయ్యింది. దేవా కట్టా దర్శకత్వంలో నాగ చైతన్య, సమంత జంటగా ‘ఆటోనగర్ సూర్య’ (Autonagar Surya) అనే సినిమా రూపొందింది. 2013 లోనే ప్రేక్షకుల ముందుకు రావాల్సిన ఈ సినిమా.. బాగా రాలేదని డిస్ట్రిబ్యూటర్లు తీసుకోవడానికి ముందుకు రాలేదు. తర్వాత నిర్మాత అచ్చిరెడ్డి ఓన్ రిలీజ్ చేసుకుందాం అనుకున్నారు.
కానీ ఆర్థిక ఇబ్బందుల్లో ఉండటం వల్ల వెనకడుగు వేశారు. అయితే ‘మనం’ (Manam) రిలీజ్ అయ్యి హిట్ అయ్యాక..సమంత – నాగ చైతన్య కాంబినేషన్ కి మంచి క్రేజ్ ఏర్పడింది. దీంతో ఆ క్రేజ్ ని క్యాష్ చేసుకోవాలని ‘ఆటోనగర్ సూర్య’ (Autonagar Surya) ని రిలీజ్ చేశారు. సినిమా మంచి కథతో రూపొందినా… స్క్రీన్ ప్లే తేడా కొట్టింది. అందుకే సినిమా ప్లాప్ అయ్యింది. చైసామ్ కలిసి చేసిన సినిమాల్లో ఇదొక్కటే ప్లాప్ సినిమా. 2014 జూన్ 27న రిలీజ్ అయిన ‘ఆటోనగర్ సూర్య’ నిన్నటితో 11 ఏళ్ళు పూర్తి చేసుకుంది.
