సాయిపల్లవి అంటే చక్కటి చీరకట్టు, చూడచక్కని చుడీదార్‌, ముచ్చటైన లంగావోణీ లుక్‌లే గుర్తొస్తాయి. ఇప్పటివరకు ఆమె చేసిన పాత్రలు దాదాపుగా ఇలానే ఉన్నాయి. మరీ గ్లామర్‌ పాత్ర అంటే జీన్స్‌ ప్యాంట్‌, మోడరన్‌ డ్రెస్‌లు వేసుకుంది. అయితే సాయిపల్లవి కురచ దుస్తులు కూడా ధరించిందని తెలుసా? ఏంటీ.. స్కిన్‌ షో అంటే ఆమడ దూరం ఉండే సాయిపల్లవి పొట్టి బట్టలు వేసుకుందా అంటారా? అవును, వేసుకుంది అయితే ఇప్పుడు కాదు, హీరోయిన్‌ కాకముందు.
ఇప్పటివరకూ చేసిన పాత్రలన్నీ ఎంతో సంతృప్తినిచ్చాయని, నటిగా కెరీర్ ముగిసిందని భావించిన సమయంలో వైద్య వృత్తిలోకి అడుగుపెడతానని సాయిపల్లవి కెరీర్‌పై క్లారిటీ ఇచ్చేసింది. చెల్లి పాత్రలు చేయడానికి ఎందుకు ముందురారు అని ‘భోళాశంకర్‌’ సినిమాను ప్రస్తావిస్తే.. ‘‘చిరంజీవి నాకెంతో ఇష్టం. ఇక ఆయన డ్యాన్స్ అంటే పడిచస్తాను. ‘భోళాశంకర్‌’లో ఆయనతో అవకాశం వచ్చింది. రీమేక్స్‌ అంటే నాకెంతో భయం. సినిమా చూసి ప్రేక్షకులు ఒరిజినల్‌ పాత్రతో పోల్చి చూస్తారు. ఆ భయంతోనే ఆఫర్‌ తిరస్కరించాను అని మరోసారి క్లారిటీ ఇచ్చింది సాయిపల్లవి.
మరి పొట్టి దుస్తుల మాటేంటి, అప్పుడెప్పుడో ఓ వీడియో వైరల్‌ అయ్యింది కదా అని అడిగితే… ‘‘మాది సాంప్రదాయ కుటుంబం. మా నాన్న కేంద్ర ప్రభుత్వ ఉద్యోగి. ఇంట్లో ఉన్నప్పుడు టెన్నిస్‌, షటిల్‌ ఆడుతుంటాం. ఆ సమయంలో ఆటకు సౌకర్యంగా ఉండేలా పొట్టి దుస్తులు వేసుకుంటాను. సినిమా పరిశ్రమలోకి అడుగుపెట్టిన సమయంలో జరిగిన ఓ సంఘటనతో.. సినిమాల్లో పొట్టిదుస్తులు వేసుకోకూడదని నిర్ణయించుకున్నాను’’ అని చెప్పింది సాయి పల్లవి. డాక్టర్‌ చదవడానికి జార్జియా వెళ్లినప్పుడు అక్కడ టాంగో డ్యాన్స్ నేర్చుకుందట.
టాంగో నేర్చుకోవాలంటే వీలుగా ఉండే కాస్ట్యూమ్స్‌ ధరించాలి. అమ్మ వాళ్లకు చెప్పి వాళ్లు ఓకే అన్నాక, దుస్తుల విషయంలో సౌకర్యంగా ఫీలయ్యాకే ఆ డ్యాన్స్ నేర్చుకుందట. ఆ తర్వాత ‘ప్రేమమ్‌’లో నటించే అవకాశం సంపాదించింది. అందరి నుండి ప్రశంసలు కూడా వచ్చాయి. ఆ సమయంలో జార్జియాలో సాయిపల్లవి చేసిన టాంగో డ్యాన్స్ వీడియో సోషల్‌ మీడియాలో వైరలైంది. నెటిజన్లు ఆ వీడియో చూసి, కామెంట్స్‌ చేశారట. ఆ కామెంట్స్‌ చేసిన విధానం నచ్చక ఇక పొట్టి దుస్తులు వేసుకునేది లేదని ఫిక్స్‌ అయ్యిందట సాయిపల్లవి.
Most Recommended Video
అభిమాని టు ఆలుమగలు…అయిన 10 మంది సెలబ్రిటీల లిస్ట్..!
‘జల్సా’ టు ‘సర్కారు వారి పాట’.. బ్యాడ్ టాక్ తో హిట్ అయిన 15 పెద్ద సినిమాలు ఇవే..!
చిరు టు మహేష్..సినిమా ప్రమోషన్లో స్టేజ్ పై డాన్స్ చేసిన స్టార్ హీరోల లిస్ట్..!
Home
