టాలీవుడ్ స్టార్ హీరోలలో ఒకరైన జూనియర్ ఎన్టీఆర్ జనవరి తర్వాతే కొత్త సినిమా షూటింగ్ ను మొదలుపెట్టనున్నారు. ఎన్టీఆర్ హోస్ట్ గా జెమినీ ఛానల్ లో ప్రసారమవుతున్న ఎవరు మీలో కోటీశ్వరులు షోకు సంబంధించిన షూటింగ్ కూడా ఇప్పటికే పూర్తైనట్లు తెలుస్తోంది. అయితే ఎన్టీఆర్ రెండు నెలలు విశ్రాంతి తీసుకోవడానికి మరో కారణం కూడా ఉందని సమాచారం. ఆర్ఆర్ఆర్ సినిమాతో హిందీ ప్రేక్షకులకు దగ్గర కావాలని యంగ్ టైగర్ ఎన్టీఆర్ అనుకుంటున్నారు.
ఆర్ఆర్ఆర్ ప్రమోషన్స్ కు సంబంధించి ఎన్టీఆర్ చాలా ప్లాన్స్ చేశారని ఈ రీజన్స్ వల్లే ఎన్టీఆర్ తరువాత సినిమా షూటింగ్ ను సైతం వాయిదా వేశారని బోగట్టా. హిందీ ఆడియన్స్ కు ఘనంగా పరిచయమవుతున్న తారక్ హిందీలో ప్రసారమయ్యే రియాలిటీ షోలకు గెస్ట్ గా హాజరయ్యే అవకాశం ఉందని తెలుస్తోంది. తారక్ తరువాత సినిమాలు పాన్ ఇండియా సినిమాలుగానే తెరకెక్కనున్నాయనే విషయం తెలిసిందే. ప్రభాస్ లా ఆర్ఆర్ఆర్ సినిమా తర్వాత ఎన్టీఆర్, చరణ్ లకు ప్రేక్షకుల్లో క్రేజ్ పెరుగుతుందేమో చూడాల్సి ఉంది.
చరణ్ సైతం వరుసగా పాన్ ఇండియా సినిమాలను తెరకెక్కించే టాలెంట్ ఉన్న దర్శకులకు గ్రీన్ సిగ్నల్ ఇస్తున్నారు. చరణ్, తారక్ భవిష్యత్తు సినిమాలు సక్సెస్ సాధిస్తే ఎన్టీఆర్, చరణ్ లకు ఊహించని స్థాయిలో క్రేజ్ పెరిగే అవకాశం అయితే ఉంటుందని చెప్పవచ్చు. 550 కోట్ల రూపాయల భారీ బడ్జెట్ తో తెరకెక్కిన ఆర్ఆర్ఆర్ నిర్మాతకు రిలీజ్ కు ముందే భారీగా లాభాలను అందించింది.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
