10 మంది టాలీవుడ్ సెలబ్రిటీలు మరియు వారి అలవాట్లు..!

కరోనా సెకండ్ వేవ్ ఎఫెక్ట్ తో సినిమాల షూటింగ్లు ఆగిపోయాయి. దాంతో మన టాలీవుడ్ స్టార్లు ఇంట్లోనే ఉంటూ.. రిలాక్స్ అవుతున్నారు. కొంతమంది అయితే తమ తదుపరి సినిమాల కోసం ప్లాన్లు వేసుకుంటున్నారు.వీడియో కాల్స్ ద్వారా.. దర్శకులు చెప్పే కథలు వినడం వంటివి చేస్తున్నారు. ఇదిలా ఉండగా.. గతేడాది సెలబ్రిటీలు అందరూ ఇంట్లోనే ఉన్నప్పుడు తమ ఫ్యామిలీస్ కు ఇంటి పని, వంట పనులు చేసి పెట్టిన సంగతి తెలిసిందే. అయితే ఈ పనులు వాళ్ళు బాగా ఎంజాయ్ చేస్తూ చేయడాన్ని మనం చూసాం. షూటింగ్లు లేని టైం లో కూడా వాళ్ళు ఇలా పనులు చేస్తుంటారని ఆ సెలబ్రిటీల సన్నిహితులు చెప్పుకొచ్చారు. అప్పటినుండీ టాలీవుడ్ సెలబ్రిటీలకు ఇష్టమైన హాబీస్ ఏంటనే విషయం తెలుసుకోవాలనే ఆసక్తి అందరిలోనూ నెలకొంది. అయితే అందరి గురించి తెలీదు కానీ.. ఓ 10 మంది గురించి ఇప్పుడు మాట్లాడుకుందాం :

1) పవన్ కళ్యాణ్ :

పవర్ స్టార్ కు బుక్స్ చదవడం అంటే చాలా ఇష్టం. అలాగే రైటర్ గా కూడా మారి కథలు రాస్తుంటాడట. అంతేకాదు పవన్ కు వ్యవసాయం చెయ్యడం కూడా చాలా ఇష్టమని పలు సందర్భాల్లో చెప్పుకొచ్చాడు. ఆయన ఫామ్ హౌస్లో వ్యవసాయం చేస్తున్న ఫోటోలు కూడా అంతర్జాలంలో షికారు చేసిన సంగతి తెలిసిందే.

2) రకుల్ ప్రీత్ సింగ్ :

స్టార్ హీరోయిన్ రకుల్ కు ఎక్కువగా వ్యాయామం చేయడం, జిమ్లో వర్కౌట్లు చేయడం ఇష్టమట. అంతేకాదు గల్ఫ్ ఆడడం అంటే ఈ అమ్మడికి చాలా ఇష్టమని తెలుస్తుంది.

3) ఎన్టీఆర్ :

మన యంగ్ టైగర్ కి.. వంట చెయ్యడం అంటే బాగా ఇష్టం. ఖాళీ సమయంలో తన ఫ్యామిలీ కోసం చెఫ్ గా మారిపోతాడు మన తారక రాముడు.

4) బ్రహ్మానందం :

ఖాళీ సమయం దొరికితే మన బ్రహ్మీ.. ఎక్కువ పుస్తకాలు చదవడం, పెన్సిల్ తో మంచి మంచి స్కెచ్ లు వేయడాన్ని ఇష్టపడతారట.

5) రాంచరణ్ :

మన మెగా పవర్ స్టార్ కు వంట చెయ్యడం అనేది ఫేవరెట్ హాబీ. అలాగే సాయంత్రం అప్పుడు హార్స్ రైడింగ్ చేయడం కూడా చేస్తాడట.

6) రానా :

మన దగ్గుబాటి వారి అబ్బాయికి రీసైక్లింగ్ అంటే బాగా ఇష్టం. పనికి రావు అనుకున్న వస్తువులను.. ఏదో ఒకదానికి ఉపయోగపడేలా చేస్తుంటాడు.

7) బాలకృష్ణ :

మన నట సింహానికి.. తన తండ్రి నందమూరి తారకరామారావు గారి సినిమాలు చూడడం ఫేవరెట్ హాబీ అట. హిట్ ప్లాప్ అనే తేడా లేదు ఆయన నటించిన సినిమాలన్నీ గ్యాప్ లేకుండా చూస్తుంటారు బాలయ్య.

8) ప్రభాస్ :

ఖాళీ టైం దొరికితే చాలు.. వాలీబాల్ ఆడటానికి రెడీ అయిపోతుంటాడు ప్రభాస్. అంతేకాకుండా.. ఫారిన్ ట్రిప్ లు వెళ్లడం అలాగే, ట్రెండ్ కు తగినట్లు కొత్త కొత్త డ్రెస్ లు డిజైన్ చేయించుకోవడం ప్రభాస్ కు ఇష్టమైన అలవాట్లు.

9) నాగార్జున :

స్విమ్మింగ్ చేయడం అలాగే పురాతన వస్తువులను సేకరించడం వంటివి నాగార్జునకు ఇష్టమైన అలవాట్లు.

10)మెగాస్టార్ చిరంజీవి :

వంట చెయ్యడం, గార్డెన్ లో మొక్కలకు నీళ్ళు పోయడం వంటివి మెగాస్టార్ కు ఇష్టమైన అలవాట్లు.