కరోనా సెకండ్‌ వేవ్‌ కాస్త సద్దుమణగడంతో టాలీవుడ్‌లో షూటింగ్‌లు జోరందుకున్నాయి. ఇప్పటికే చాలామంది హీరోలు సినిమాల చిత్రీకరణలు ప్రారంభించారు. మన వాళ్లే కాకుండా పక్కనున్న తమిళ తంబీలు కూడా తెలుగు రాష్ట్రాలకు వచ్చి చిత్రీకరణలు చేస్తున్నారు. అయితే తాజాగా మరో ఇద్దరు స్టార్‌ హీరోలు తమ సినిమాల తాజా షెడ్యూల్స్ ప్రారంభించారు. అందులో ఒకరు ఏపీలో, మరొకరు గోవాలో చేస్తున్నారు. ‘పుష్ప’ సినిమాను రెండు భాగాలుగా తెరకెక్కిస్తున్న విషయం తెలిసిందే.
తొలి భాగాన్ని ‘పుష్ప ది రైజ్‌’ను ఈ క్రిస్‌మస్‌ కానుకగా సినిమాను తీసుకొస్తున్నారు. తాజాగా సినిమా చిత్రీకరణ కోసం అల్లు అర్జున్‌ కాకినాడ చేరుకున్నారు. అక్కడ పోర్టులో సినిమా కీలక సన్నివేశాలు తెరకెక్కిస్తారట. గతంలో కూడా ‘పుష్ప’ సినిమా చిత్రీకరణ అక్కడ జరిగింది. ఈ రోజు చిత్రీకరణ కోసం బన్నీ వెళ్లగా… అక్కడ అభిమానుల నుండి ఘన స్వాగతం లభించిందట. మరోవైపు నందమూరి బాలకృష్ణ ‘అఖండ’ ఆఖరి షెడ్యూల్ కోసం గోవా వెళ్లారట.
ఇప్పటికే ఈ సినిమా మేజర్‌ షూటింగ్‌ పూర్తయింది. అయితే ఒక పాటతోపాటు కొన్ని సన్నివేశాలను గోవాలో షూట్ చేస్తారట. ఈ నెల 13న ఈ షెడ్యూల్ మొదలవుతుందట. ఇక అయితే ఈ సినిమా విడుదల తేదీ విషయంలో ఇంకా సమాచారం లేదు. సినిమాకు గుమ్మడికాయ కొట్టినప్పుడు ఏమన్నా చెబుతారేమో చూడాలి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home