Pawan Kalyan: పవన్ కళ్యాణ్ జైలుకి వెళ్లేది అందుకేనా..?

September 13, 2023 / 05:04 PM ISTByFilmy Focus

Join Us

Pawan Kalyan: పవన్ కళ్యాణ్ జైలుకి వెళ్లేది అందుకేనా..?

టాలీవుడ్ లో పవన్ కళ్యాణ్ కు ఎంత పెద్ద క్రేజ్ ఉందో సినీ ప్రియులకు తెలుసు..పవన్ కళ్యాన్ సినిమా రంగంలో స్టార్ డమ్ ఉన్న సమయంలోనే సినిమాలు చేస్తూ రాజకీయ రంగంలోకి అడుగులు వేశారు.. అయితే సినిమా రంగంలో సక్సెస్ అయిన పవన్ కళ్యాన్ రాజకీయంగా అనుకున్నంత సక్సెస్ కాకలేకపోయారని చెప్పాలి. కానీ గెలుపు, ఓటములతో సంబంధం లేకుండా రాష్ట్రంలో ఎక్కడ సమస్య ఉన్న నేనున్నానంటూ వెంటనే స్పందిస్తారు.. ప్రతి క్షణం ప్రభుత్వాన్ని విమర్శిస్తునే ఉంటారు. అయితే ఇప్పుడు పవన్ కళ్యాణ్ జైలు కు వెళ్లాతున్నారని ఓ వార్త సోషల్ మీడియాలో హల్చల్ చేస్తోంది.

పవన్ కళ్యాణ్ (Pawan Kalyan) జైలుకు ఎందుకు వెళ్తున్నారంటే.. చంద్రబాబు అరెస్టులో ఏపీలో గందరగోళ పరిస్థితులు నెలకొన్నాయి. ఈ నేపథ్యంలో టీడీపీ నాయకుడు నారా లోకేష్ కు జనసేన అధినేత పవన్ కల్యాణ్ ఫోన్ చేశారు. ఇలాంటి సమయంలోనే ధైర్యంగా ఉండాలని ఆయనకు సూచించారు. ఏపీ సీఎం జగన్ నియంతంగా పాలన సాగిస్తున్నారని ఆరోపించారు. ప్రజల కోసం పోరాడుతున్న ప్రతిపక్ష నాయకుడిని ఇబ్బంది పెట్టడం జగన్ కు పరిపాటిగా మారిందని దుయ్యబట్టారు. ప్రతిపక్ష నేతపై అక్రమ కేసులు పెట్టడం సరికాదని అన్నారు. ఈ నియంత పాలనపై ఐక్యంగా పోరాడుదామని పవన్ కల్యాణ్ పిలుపునిచ్చారు.

స్కిల్ డెవలప్మెంట్ కేసులో చంద్రబాబుకు ఏసీబీ కోర్టు 14 రోజులు రిమాండ్ విధించింది. 40 ఏళ్ళ రాజకీయ ప్రస్థానంలో చంద్రబాబు మొదటిసారి జైలుకెళ్లడం టీడీపీ శ్రేణులకు మింగుడుపడటం లేదు. తమ అధినాయకుడిని అన్యాయంగా కేసులో ఇరికించారంటూ రాష్ట్ర బంద్ కు పిలుపునిచ్చారు. చంద్రబాబు కస్టడీతో జనసేన అధినేత ప్రభావం చూపిస్తున్నాడు. ఈ మేరకు పవన్ కళ్యాణ్ ఆంధ్రరాష్ట్ర రాజకీయాల్లో కీలకంగా మారాడు. లోకేష్ ఒంటరి కాదు నేనున్నానని భరోసా ఇచ్చాడు. ఇదిలా ఉండగా నిన్న మంగళవారం ఏసీబీ కోర్టులో హౌస్ కస్టడీని కోరుతూ చంద్రబాబు తరుపు న్యాయవాదులు వాదనలు వినిపించారు.

అయితే రిమాండ్ లో ఉన్న వ్యక్తిని హౌస్ అరెస్ట్ కు ఛాన్స్ లేదంటూ తోసిపుచ్చింది కోర్టు. దీంతో నాయుడు 14 రోజులపాటు రాజమండ్రి సెంట్రల్ జైలులోనే ఉండాల్సి ఉంది. రేపు జనసేన చీఫ్ పవన్ కళ్యాణ్ రాజమండ్రి జైలుకు వెళ్లనున్నాడు. గురువారం ఉదయం అయన చంద్రబాబును కలిసేందుకు రాజమండ్రికి వెళతారు. రాజమండ్రి జైలు పరిసర ప్రాంతంలో ఇప్పటికే 144 సెక్షన్ కొనసాగుతోంది. మరి రేపు పవన్ రాక నేపథ్యంలో మరింత భద్రతను ఏర్పాటు చేయనున్నారు. ఇప్పుడు వీరిద్దరూ ఏమాట్లాడుకుంటారో అనేది అసక్తిగా మారింది..