War 2: ‘వార్‌ 2’లో యానిమల్‌ ‘ఓవర్‌ నైట్‌’ బ్యూటీ… మరి ఎవరి పక్కనో?

ఓవర్‌ నైట్‌ స్టార్‌లు మనకు ఎక్కువగా హీరోల్లో ఉంటారు. ఓ సినిమా శుక్రవారం రిలీజ్‌ అయి విజయం సాధిస్తే రాత్రి మారి శనివారం వచ్చేసరికి స్టార్‌ అయిపోతుంటారు. అయితే దీనికి ఆ సినిమా ఫస్ట్ సినిమా అవ్వక్కర్లేదు. ఇలా హీరోయిన్లకు ఓవర్‌ నైట్‌ స్టార్‌డమ్‌ రావడం చాలా అరుదు. అయితే ఇప్పుడు అలాంటి స్టార్‌డమ్‌ను అందుకున్న కథానాయిక త్రిప్తి డిమ్రి (Tripti Dimri) . అలా అని చెప్పి ఆమె ఏమన్నా ఆ సినిమాలో ఫస్ట్‌ హీరోయిన్‌గా నటించిందా అంటే లేదనే చెప్పాలి.

‘యానిమల్‌’ (Animal) సినిమాలో రణ్‌బీర్‌ (Ranbir Kapoor) ప్రేయసిగా కీలక పాత్రలో నటించింది త్రిప్తి డిమ్రి. జోయాగా ఆ సినిమాలో ఆమె నటన, గ్లామర్‌ భలే ఉంది అంటూ అందరూ మెచ్చుకున్నారు. దీంతో నెక్స్ట్‌ సినిమా స్టార్‌ హీరో పక్కనే అంటూ ఆమె మీద అంచనాల భారం పెంచేశారు కూడా. అనుకున్నట్లుగా ఆమె నటిస్తోంది అని పుకార్లు వస్తున్న సినిమాలు కూడా స్టార్‌ హీరోలవే కావడం గమనార్హం. తాజాగా ‘వార్‌ 2’ సినిమాలో త్రిప్తి ఉంది అంటూ ఓ పుకారు షికారు చేస్తోంది.

హృతిక్‌ రోషన్‌ (Hrithik Roshan) – తారక్‌ (Jr NTR) కాంబినేషన్‌లో బాలీవుడ్‌లో తెరకెక్కుతున్న చిత్రం ‘వార్‌ 2’. ఇటీవల తారక్‌ ఈ సినిమా సెట్స్‌లో అడుగుపెట్టాడు కూడా. ప్రస్తుతం హృతిక్ – ఎన్టీఆర్ మీద ఓ యాక్షన్ సీక్వెన్స్ తెరకెక్కిస్తున్నట్లు సమాచారం. ఇప్పుడు ఈ సినిమాలో త్రిప్తి కూడా ఉంది అని చెబుతున్నారు. దర్శకుడు అయాన్‌ ముఖర్జీ ఇటీవల ఆమెను సంప్రదించారని సమాచారం. యశ్‌రాజ్‌ బ్యానర్‌లో అవకాశం అందులోనూ స్టార్‌ హీరోల సినిమా అనేసరికి ఆమె కూడా ఓకే అంది అంటున్నారు.

త్రిప్తి సినిమాల సంగతి చూస్తే… ‘బ్యాడ్‌ న్యూస్‌’, ‘విక్కీ విద్య కా వో వాలా వీడియో’, ‘భూల్‌ భులయ్యా 3’ సినిమాల్లో ఆమె కనిపించనుంది. ఇది కాకుండా ప్రభాస్‌ – సందీప్‌ రెడ్డి వంగా ‘స్పిరిట్‌’లో కూడా ఆమెకు ఓ కీలక పాత్ర దక్కింది అని అంటున్నారు.