ధనుష్‌ కొత్త సినిమా ‘డీ50’ గురించి రోజుకో ఆసక్తికర విషయం బయటకు వస్తోంది. సన్‌ పిక్చర్స్‌ నిర్మిస్తున్న ఈ సినిమాకు ధనుష్‌ స్వయంగా దర్శకత్వం వహిస్తున్న విషయం తెలిసిందే. ఇటీవలే ఈ సినిమా చిత్రీకరణ మొదలైంది. ఈ సినిమా రెగ్యులర్‌ కథకు భిన్నంగా ఉంటుంది అని చెబుతున్నారు. ఈ క్రమంలో ఇందులో కథానాయికలు ఎక్కువమంది ఉంటారు అని చెబుతున్నారు. అందులో ఓ ఇద్దరిని తాజాగా ఓకే చేశారు. ఈ మేరకు సినిమా టీమ్‌ అధికారికంగా చెప్పింది.
అనికా సురేంద్రన్‌, దుషారా విజయన్‌ను ‘డీ50’లోకి తీసుకున్నట్లు సినిమా టీమ్‌ అఫీషియల్‌గా అనౌన్స్‌ చేసింది. గ్యాంగ్‌స్టర్‌ డ్రామాగా తెరకెక్కనున్న ఈ చిత్రంలో అనిక ఓ కీలక పాత్ర పోషిస్తుందటట. ఇక చెల్లెలిగా దుషారా విజయన్‌ కనిపిస్తుందట. దర్శకుడిగా ధనుష్‌కి ఇది రెండో సినిమా కాగా… తొలి సినిమా ‘పవర్ పాండీ’. ఆ సినిమాతోనే వైవిధ్యమైన దర్శకుడిగా పేరు తెచ్చుకున్న ధనుష్‌ మరి ఈ సినిమాతో ఏం చేస్తాడో చూడాలి.
గుండుతో మెడలో రుద్రాక్షమాల వేసుకొని ఉన్న పోస్టర్‌ ‘డీ50’ టీమ్‌ రిలీజ్ చేసింది. దీంతో ఒక్కసారిగా టాక్‌ ఆఫ్‌ ది ఇండస్ట్రీగా ఈ సినిమా మారింది. ఈ సినిమా మొత్తం చెన్నై నేపథ్యంలోనే ఉంటుందట. అన్నదమ్ముల మధ్య వైరం ఇతివృత్తంతో ఈ సినిమాను రూపొందిస్తారు అనే మాట కూడా వినిపిస్తోంది. త్వరలోనే ఈ సినిమాకు సంబంధించి మరిన్ని వివరాలు అధికారికంగా ప్రకటిస్తారని సమాచారం.
ధనుష్‌ (Dhanush) ప్రస్తుతం అరుణ్‌ మథేశ్వరన్‌ దర్శకత్వంలో ‘కెప్టెన్‌ మిల్లర్‌’ అనే సినిమా చేస్తున్నాడు. యాక్షన్ థ్రిల్లర్‌ జోనర్‌లో రానున్న ఈ సినిమా షూటింగ్‌ చివరి దశకు చేరుకుంది. ఈ సినిమా డిసెంబరు ద్వితీయార్ధంలో రిలీజ్ చేయడానికి సన్నాహాలు జరుగుతున్నాయి. ఈ సినిమా కాకుండా ‘తేరా ఇష్క్‌ మే’ అనే ఓ బాలీవుడ్‌ సినిమాలోనూ ధనుష్‌ నటిస్తున్నాడు. ఆనంద్‌ ఎల్‌. రాయ్‌ దర్శకత్వంలో ఈ సినిమా తెరకెక్కనుంది. ఇప్పటికే బాలీవుడ్‌లో సినిమాలతో మెప్పించిన ధనుష్‌ ఈ సినిమాతో ఇంకెంత వావ్‌ అనిపిస్తాడో చూడాలి.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
Home