Amit Shah, Nikhil: నిఖిల్ అమిత్ షా భేటీ వెనకున్న కారణం అదేనా?

September 9, 2022 / 03:18 PM ISTByFilmy Focus

Join Us

Amit Shah, Nikhil: నిఖిల్ అమిత్ షా భేటీ వెనకున్న కారణం అదేనా?

టాలీవుడ్ ఇండస్ట్రీలో ఒక చిన్న సినిమాగా తెరకెక్కి ప్రేక్షకుల ముందుకు వచ్చి అతి పెద్ద విజయాన్ని సొంతం చేసుకున్న సినిమాలలో నిఖిల్ నటించిన కార్తికేయ 2 సినిమా ఒకటి. ఈ సినిమా ఎన్నో అంచనాల నడుమ ఆగస్టు 13వ తేదీ ప్రేక్షకుల ముందుకు వచ్చి ఊహించని స్థాయిలో కలెక్షన్లను రాబడుతుంది. ఈ సినిమా కేవలం సౌత్ ఇండస్ట్రీలోనే కాకుండా నార్త్ ఇండస్ట్రీలో కూడా మంచి కలెక్షన్లను రాబట్టడంతో చిత్ర బృందం పై పలువురు ప్రశంసలు కురిపిస్తున్నారు.

ఇప్పటికే ఈ సినిమా దేశవ్యాప్తంగా 120 కోట్లకు పైగా వసూలు రాబట్టిందని తెలుస్తోంది. ఈ క్రమంలోనే గుజరాత్ ముఖ్యమంత్రి సైతం ఈ సినిమాపై ప్రశంసలు కురిపించారు. ఇదిలా ఉండగా కార్తికేయ 2 సినిమామంచి హిట్ కావడంతో కేంద్ర మంత్రి అమిత్ షా హీరో నిఖిల్ ను కలవనున్నట్లు సోషల్ మీడియాలో వార్తలు వస్తున్నాయి. ఇలా సోషల్ మీడియాలో వస్తున్న కథనాల ప్రకారం సెప్టెంబర్ 19వ తేదీ హైదరాబాద్ పర్యటనలో భాగంగా అమిత్ షా హైదరాబాద్ రానున్నారు..

Nikhil comments on Karthikeya 2 release gone viral1

ఈ క్రమంలోనే టాలీవుడ్ యంగ్ హీరో నిఖిల్ ను ఆయన కలవనున్నట్లు సమాచారం. ఈ విధంగా నిఖిల్ తో అమిత్ షా భేటీ కావడానికి మరే కారణం లేదని కార్తికేయ2 సినిమా హిట్ కావడంతో తనని ప్రశంసించడం కోసమే తనతో భేటీ కానున్నారని వార్తలు వినపడుతున్నాయి. అయితే ఇదివరకే బీజేపీ జాతీయ కార్యదర్శి నడ్డ నిఖిల్ ను కలవాల్సింది పోయి హీరో నితిన్ ను కలిసిన సంగతి మనకు తెలిసిందే.

ఈ క్రమంలోనే సెప్టెంబర్ 19వ తేదీ తెలంగాణలో పర్యటించిన అమిత్ షా నిఖిల్ నుకూడా కలువనున్నట్లు వార్తలు వస్తున్నాయి. మరి ఈ వార్తలలో ఎంతవరకు నిజమందో తెలియాల్సి ఉంది అయితే గతంలో ఈయన యంగ్ టైగర్ ఎన్టీఆర్ ని కూడా కలిసిన విషయం మనకు తెలిసిందే. ఇలా బిజెపి నేతలు టాలీవుడ్ యంగ్ హీరోలతో ఒక్కొక్కరితో భేటీ అవ్వడంపై తెలంగాణ రాష్ట్ర రాజకీయాలలో సర్వత్ర ఉత్కంఠత కొనసాగుతుంది.