‘జులాయి’ సినిమాలో ఓ డైలాగ్ ఉంటుంది. ‘ఇండియాలో సైంటిస్ట్ ల కంటే బాబాలే ఫేమస్’ అని..! ఈ విషయాన్ని అంతకు ముందే విజువల్ గా చూపించాడు దర్శకుడు చంద్రశేఖర్ యేలేటి. 2005 లో వచ్చిన ‘అనుకోకుండా ఒకరోజు’ సినిమా అందరికీ గుర్తుండే ఉంటుంది. ‘ఐతే’ వంటి హిట్ సినిమా తర్వాత ఎన్నో పెద్ద ఆఫర్లు వచ్చినా కాదనుకుని..రెండేళ్లు ఆగి మరీ ఈ చిత్రాన్ని తెరకెక్కించాడు యేలేటి. ఛార్మి ప్రధాన పాత్ర పోషించిన ఈ చిత్రంలో జగపతి బాబు, శశాంక్ కీలక పాత్రలు పోషించారు.
2005 వ సంవత్సరంలో జూన్ 30 న (Anukokunda Oka Roju) ఈ సినిమా రిలీజ్ అయ్యింది. ఎటువంటి అంచనాలు లేకుండా రిలీజ్ అయిన ఈ చిత్రం సూపర్ హిట్ అయ్యింది. సహస్ర (ఛార్మీ) అనే ఓ అమ్మాయి అనుకోకుండా ఓ నైట్ పార్టీకి వెళ్లడం.. అక్కడ పొరపాటున ఆమె మత్తు పదార్థాలు తీసుకోవడం.. ఆ టైంలో ఆమెకు తెలీకుండా ఏదేదో చూసేయడం వంటివి చోటు చేసుకుంటాయి.అటు తర్వాత ఆమె జీవితంలో ఓ రోజు తెలీకుండా మిస్ అవుతుంది.
అసలు ఈమె మత్తులో ఏం చేసిందో తెలుసుకోవడానికి ప్రయత్నిస్తుండగా… ఈమె పై హత్యాప్రయత్నాలు జరుగుతాయి. ఆ తర్వాత సస్పెండ్ అయిన సురేష్ రెడ్డి కథలోకి ఎంట్రీ ఇస్తాడు. అతని ఇన్వెస్టిగేషన్లో సహస్రని చంపేందుకు ఓ మూఢనమ్మకాల ముఠా ఉందని తెలుస్తుంది. ఇలాంటి కథతో సినిమా తీయొచ్చు కానీ కథనాన్ని ఆసక్తికరంగా తీర్చిదిద్దకపోతే పెద్ద డిజాస్టర్ అయ్యే ప్రమాదం లేకపోలేదు. ఇక్కడే యేలేటి గొప్పతనం మొత్తం బయటపడింది.
తన టేకింగ్ తో మాయచేశాడు. ఇప్పుడైనా ఈ సినిమాని సరదాగా పెట్టుకుంటే కదలకుండా క్లైమాక్స్ వరకు చూసేస్తారు అనడంలో అతిశయోక్తి లేదు. కీరవాణి పాటలు, బ్యాక్ గ్రౌండ్ స్కోర్ వంటివి కూడా చాలా బాగా కుదిరాయి. ఈ సినిమా రిలీజ్ అయ్యి నేటితో 18 ఏళ్ళు పూర్తవుతుంది. సినిమా చూడని వాళ్ళుంటే సరదాగా యూట్యూబ్లో ఓసారి చూడండి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home