Ustaad Bhagat Singh: దేవి విషయంలో క్లారిటీ ఇచ్చారు.. రిలీజ్ డేట్ విషయంలో ‘మైత్రి’ మౌనం

పవర్ స్టార్ పవన్ కళ్యాణ్ ఫ్యాన్స్‌కు ఓ క్రేజీ న్యూస్. హరీష్ శంకర్ డైరెక్షన్‌లో తెరకెక్కుతున్న ‘ఉస్తాద్ భగత్ సింగ్'(Ustaad Bhagat Singh)మూవీ రిలీజ్ డేట్ మారబోతోందని టాలీవుడ్ సర్కిల్స్‌లో టాక్ వినిపిస్తోంది.

Ustaad Bhagat Singh

అనుకున్న టైమ్ కంటే ముందే ఈ సినిమా థియేటర్లలోకి రాబోతోందట.ముందుగా ఈ యాక్షన్ ఎంటర్‌టైనర్‌ను 2026 మార్చి 26న రిలీజ్ చేస్తామని మేకర్స్ ప్రకటించారు. కానీ, ఇప్పుడు ప్లాన్ మార్చారు.వారం ముందే అంటే.. మార్చి 19 (గురువారం) నాడే సినిమాను ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఇప్పటికే ఏపీ, తెలంగాణ డిస్ట్రిబ్యూటర్లకు మార్చి 19వ తేదీకి రెడీగా ఉండాలని సమాచారం వెళ్లినట్లు తెలుస్తోంది.

సడెన్‌గా ఈ మార్పు చేయడం వెనుక ఓ సాలిడ్ రీజన్ ఉంది. వాస్తవానికి 2026, మార్చి 19న పాన్ ఇండియా స్టార్ యష్ ‘టాక్సిక్’ రిలీజ్ కావాల్సి ఉంది. కానీ అనివార్య కారణాల వల్ల ఆ మూవీ జూన్ 4కి వాయిదా పడింది. దాంతో మార్చి 19వ తేదీ స్లాట్ ఖాళీ అయ్యింది.ఆ టైమ్‌లో రంజాన్ (ఈద్) హాలిడేస్ ఉన్నాయి. ఇలాంటి పండుగ సీజన్‌లో పవన్ కళ్యాణ్ రేంజ్ మాస్ మూవీ పడితే బాక్సాఫీస్ బద్దలవ్వడం ఖాయం.

అందుకే ఆ లాంగ్ వీకెండ్‌ను ఫుల్లుగా క్యాష్ చేసుకునేందుకు ఉస్తాద్ టీమ్ ఈ స్మార్ట్ మూవ్ వేసినట్లు ట్రేడ్ వర్గాలు చెబుతున్నాయి.ప్రస్తుతం ప్రమోషన్స్‌లో వాడుతున్న పోస్టర్లపై మార్చి 26 అనే డేట్ ఉన్నా.. త్వరలోనే ఈ ప్రీపోన్‌‌పై అఫీషియల్ అనౌన్స్‌మెంట్ ఛాన్స్ ఉంది అని టాక్ వినిపిస్తోంది. అయితే సంగీత దర్శకుడు దేవి శ్రీ ప్లేస్ లో తమన్ బ్యాక్ గ్రౌండ్ స్కోర్ సమకారుస్తాడు అనే విషయంపై నిర్మాతలైన మైత్రి వారు క్లారిటీ ఇచ్చారు. కానీ రిలీజ్ డేట్ విషయంలో మాత్రం ఇంకా వారు మౌనం పాటిస్తున్నారు.

అంత చేసినా.. పవన్‌ను డిమాండ్‌ చేసిన హరీశ్‌ శంకర్‌.. ఏమైందంటే?