Vakeel Saab: అభిమానుల ఆకలిని వకీల్‌సాబ్‌ తీరుస్తాడా?

ఆకలి మీదున్న సింహం వేట ఎలా ఉంటుందో చాలా వీడియోల్లో చూశాం. అదే హిట్‌ ఆకలి మీదున్న హీరోకు సూపర్‌ హిట్‌ దొరికితే ఆ సినిమా రికార్డుల జోరు ఎలా ఉంటుందో చాలాసార్లు చూశాం. మరి తమ హీరోకు హిట్లు పడాలి, సూపర్‌ యాక్షన్‌ సీన్స్‌లో చూడాలనే ఆకలి ఉన్న అభిమానులకు అలాంటి సినిమా వస్తే ఎంత ఆనందమో కొత్తగా చెప్పక్కర్లేదు. త్వరలో పవన్‌ కల్యాణ్‌ అభిమానులకు అలాంటి ఫీల్‌ వచ్చేలా ఉంది. ‘వకీల్‌సాబ్‌’లో మొత్తం నాలుగు ఫైట్లు ఉంటాయని వార్తలొస్తున్నాయి మరి.

బాలీవుడ్‌లో మంచి విజయం సాధించిన ‘పింక్‌’ను తెలుగులో ‘వకీల్‌సాబ్‌’గా తీసుకొస్తున్నారనే విషయం తెలిసిందే. ఆ తర్వాత తమిళంలోకి కూడా సినిమా వెళ్లింది. ఈ రెండు వెర్షన్లలో ఫైట్లు లేవు. అలాంటి సినిమాను పవన్‌ కల్యాణ్‌ చేస్తుండేసరికి ‘పవన్‌ ఇమేజ్‌కి తగ్గ సినిమానేనా’ అని అభిమానులు అనుకున్నారు. అయితే ‘సినిమాలో మార్పులు చేస్తున్నాం’ అని సినిమా టీమ్‌ చెప్పి… వారిని కూల్‌ చేసింది. అయితే ఇప్పుడు ఇన్ని మార్పులు చేసి సినిమా ‘ఆత్మ’ను దెబ్బ తీస్తున్నారు అనే విమర్శలు వస్తున్నాయి.

విమర్శలు, మాటల విషయాల్ని పక్కనపెడితే.. సినిమాలో నాలుగు ఫైట్లు ఉంటాయనే వార్తలు అభిమానులను ఖుష్‌ చేస్తున్నాయి. ట్రైలర్‌, టీజర్‌ , కొన్ని సోర్సుల సమాచారం ప్రకారం చూస్తే… సినిమాలో కీలక సమయాల్లో ఈ ఫైట్లు వస్తాయంట. మెట్రో రైలులో ఓ ఫైట్‌, దాని వెంటే పంచ్‌ డైలాగ్‌ ఇప్పటికే విన్నాం. ఇది కాకుండా వాష్‌ ఏరియాలో ఓ ఫైట్‌ ఉండబోతోంది. వీటితోపాటు ఇంట్రడక్షన్‌ ఫైట్‌, ఇంటర్వెల్‌ ఫైట్‌ కూడా ఉంటాయట. దీంతో నాలుగేళ్ల గ్యాప్‌ను ఫిల్‌ చేయడానికి పవన్‌ నాలుగు ఫైట్లతో వస్తున్నాడని అభిమానులు సంబరపడుతున్నారు.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!