Varla Ramaiah, Jr NTR: తారక్ పై సంచలన వ్యాఖ్యలు చేసిన వర్ల రామయ్య!

November 25, 2021 / 03:21 PM ISTByFilmy Focus

Join Us

Varla Ramaiah, Jr NTR: తారక్ పై సంచలన వ్యాఖ్యలు చేసిన వర్ల రామయ్య!

నందమూరి హీరో యంగ్ టైగర్ ఎన్టీఆర్ ఆర్ఆర్ఆర్ మూవీ రిలీజైన తర్వాత వరుసగా సినిమాలతో బిజీ అయ్యే విధంగా కెరీర్ ను ప్లాన్ చేసుకుంటున్నారు. కొరటాల శివ డైరెక్షన్ లో ఎన్టీఆర్ నటించే సినిమా ప్రీ ప్రొడక్షన్ పనులు ఇప్పటికే మొదలయ్యాయి. ఈ సినిమాతో పాటు ప్రశాంత్ నీల్ డైరెక్షన్ లో యాక్షన్ సినిమాకు ఎన్టీఆర్ గ్రీన్ సిగ్నల్ ఇచ్చారు. ఎన్టీఆర్ తో సినిమాను తెరకెక్కించే దర్శకుల జాబితాలో బుచ్చిబాబు సానా కూడా ఉండగా ఈ ప్రాజెక్ట్ కు సంబంధించి అధికారిక ప్రకటన రావాల్సి ఉంది.

ప్రస్తుతం యంగ్ టైగర్ ఎన్టీఆర్ రాజకీయాలకు దూరంగా ఉన్నారు. చంద్రబాబు సతీమణి భువనేశ్వరిపై కొంతమంది వైసీపీ నాయకులు చేసిన కామెంట్ల విషయంలో తారక్ స్పందించిన తీరు సరిగ్గా లేదని టీడీపీ నేత వర్ల రామయ్య సంచలన వ్యాఖ్యలు చేశారు. జూనియర్ ఎన్టీఆర్ భువనేశ్వరి మేనల్లుడిగా సరిగ్గా స్పందించలేదని వర్ల రామయ్య అన్నారు. తారక్ స్పందించిన తీరు టీడీపీ కార్యకర్తలను బాధ పెట్టిందని వర్ల రామయ్య తెలిపారు. సినిమాల కొరకు జూనియర్ ఎన్టీఆర్ కుటుంబాన్ని, నైతిక విలువలను వదులుకుంటారా? అని వర్ల రామయ్య ప్రశ్నించారు.

హరికృష్ణ బ్రతికుంటే రచ్చరచ్చ చేసేవారని జూనియర్ ఎన్టీఆర్ వార్నింగ్ ఇస్తే నాని, వల్లభనేని వంశీ తోక ముడుచుకుని పోతారని జూనియర్ ఎన్టీఆర్ అంటే నానికి, వల్లభనేని వంశీకి చాలా భయమని వర్ల రామయ్య చెప్పుకొచ్చారు. వర్ల రామయ్య కామెంట్ల గురించి ఎన్టీఆర్ స్పందిస్తారేమో చూడాల్సి ఉంది. ఎన్టీఆర్ ప్రస్తుతం వెకేషన్ కోసం విదేశాలకు వెళ్లారు. వివాదాలకు దూరంగా ఉండే తారక్ వర్ల రామయ్య కామెంట్ల గురించి స్పందించకపోవచ్చని అభిమానులు అభిప్రాయపడుతున్నారు.