లాక్‌డౌన్ తరవాత షూటింగ్ స్టార్ట్ చేసిన మరో మెగా హీరో

September 7, 2020 / 12:03 PM ISTByFilmy Focus

Join Us

మెగా ఫ్యామిలీలో యంగ్ హీరో వరుణ్ తేజ్ షూటింగ్ స్టార్ట్ చేశాడు. సాధారణంగా సండే చాలామంది హాలిడే తీసుకుంటారు. అతడు మాత్రం షూటింగ్ చేశారు. చాలా రోజుల తరవాత ముఖానికి మేకప్ వేసుకున్నాడు. అయితే, అతడు షూటింగ్ చేసినది సినిమా కోసం కాదు! ఒక యాడ్ కోసం! పురుషుల సౌందర్య ఉత్పత్తులు, ఆర్ఎస్ బ్రదర్స్ షూటింగ్ మాల్ ఇలా కొన్ని సంస్థలకు వరుణ్ తేజ్ బ్రాండ్ అంబాసిడర్‌గా ఉన్నారు. సండే షూటింగ్ చేసినది నాగార్జున సిమెంట్స్ కోసమని సమాచారం.

లాక్‌డౌన్ తరవాత షూటింగ్ స్టార్ట్ చేసిన మరో మెగా హీరో వరుణ్ తేజ్. కొన్ని రోజుల క్రితం సాయి ధరమ్ తేజ్ ‘సోలో బ్రతుకే సో బెటర్’ షూటింగ్ స్టార్ట్ చేశాడు. రామోజీ ఫిలింసిటీలో సాంగ్ షూటింగ్‌లో పాల్గొన్నాడు. ఈ యంగ్ హీరోలు ఇద్దరూ లాక్‌డౌన్‌లో కరోనా అవేర్‌నెస్ సాంగ్‌లో చిరంజీవి, నాగార్జునతో కలిసి యాక్ట్ చేసిన సంగతి తెలిసిందే. వరుణ్ తేజ్ తండ్రి నాగబాబు ఎప్పటికప్పుడు యూట్యూబ్ వీడియోస్ తో తన అభిప్రాయాలు వ్యక్తం చేస్తున్నారు.

Varun Tej started shooting but1

ప్రజెంట్ వరుణ్ తేజ్ బాక్సింగ్ నేపథ్యంలో ఒక సినిమా చేస్తున్న సంగతి తెలిసిందే. త్వరలో ఆ సినిమా షూటింగ్ స్టార్ట్ చెయ్యనున్నాడని సమాచారం. దీంతో పాటు వెంకటేష్‌తో కలిసి యాక్ట్ చేయనున్న ‘ఎఫ్ 3’ ఆ తరవాత షూట్ చేయనున్నారు. ప్రజెంట్ డైరెక్టర్ అనిల్ రావిపూడి ప్రీ ప్రొడక్షన్ వర్క్ చేస్తున్నారు. డైరెక్టర్లు సాగర్ చంద్ర, ప్రవీణ్ సత్తారుతో వరుణ్ తేజ్ స్టోరీ డిస్కషన్లు చేస్తున్నారు.