గతేడాది అఖిల్ తో చేసిన ‘ఏజెంట్’ చిత్రం బాక్సాఫీస్ వద్ద ఘోరంగా విఫలమైంది. సురేందర్ రెడ్డి ఈ చిత్రానికి దర్శకుడు. చెప్పాలంటే సురేందర్ రెడ్డికి ‘రేసు గుర్రం’ తర్వాత సరైన సక్సెస్ పడలేదు అనే చెప్పాలి. ‘కిక్ 2 ‘ డిజాస్టర్ అయ్యింది. ‘ధృవ’ సినిమా నోట్ల రద్దు టైంలో రిలీజ్ అయ్యి బ్రేక్ ఈవెన్ కాలేకపోయింది. ‘సైరా’ సినిమా తెలుగు రాష్ట్రాల్లో తప్ప.. మిగిలిన చోట్ల సత్తా చాటలేకపోయింది. ‘ఏజెంట్’ సంగతి చెప్పనక్కర్లేదు.
అయినప్పటికీ హీరోలకి సురేందర్ రెడ్డి పై నమ్మకం ఏమాత్రం తగ్గలేదు. పవన్ కళ్యాణ్ .. సురేందర్ రెడ్డితో సినిమా చేయడానికి రెడీగా ఉన్నాడు. స్క్రిప్ట్ పనులు మొదలయ్యాయి కూడా. కాకపోతే వెంకటేష్, విక్రమ్..లకు కూడా ఆయన కథలు చెప్పి ఒప్పించాడు.కానీ వెంకటేష్.. ఇప్పుడు సురేందర్ రెడ్డి ప్రాజెక్ట్ ని హోల్డ్ లో పెట్టినట్టు వినికిడి. మరోపక్క విక్రమ్.. పాజిటివ్ గా రెస్పాన్స్ ఇచ్చినా, అతని కాల్ షీట్లు అయితే ఇప్పుడు ఖాళీగా లేవు.
విక్రమ్ తో సినిమా అంటే ఇంకో 15 నెలల పాటు ఆగాల్సి ఉందట. ఈ క్రమంలో (Surender Reddy) సురేందర్ రెడ్డి ఓ బాలీవుడ్ హీరో కోసం ప్రయత్నాలు మొదలు పెట్టినట్లు తెలుస్తుంది. ఆ హీరో మరెవరో కాదు రణ్ వీర్ సింగ్. అవును డ్రగ్స్ మాఫియా నేపథ్యంలో రణ్వీర్ సింగ్ తో ఓ సినిమా చేయడానికి సురేందర్ రెడ్డి రెడీ అయ్యాడట. రణ్వీర్ కూడా సురేందర్ కథకి ఇంప్రెస్ అయినట్లు తెలుస్తుంది.
యాత్ర 2 సినిమా రివ్యూ & రేటింగ్!
ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!
