నా కళ్ళ ముందు పెరిగిన క్యూట్ కిడ్ : వెంకటేష్

ఈరోజు దగ్గుబాటి అభిమానులకి అలాగే అక్కినేని అభిమానులకి.. బిగ్ డే అని చెప్పాలి. ఇక దగ్గుబాటి అభిమానులకి డబుల్ ఫీస్ట్ ఇచ్చేలా… విక్టరీ వెంకటేష్ పుట్టినరోజునే ‘వెంకీమామ’ చిత్రం రిలీజ్ అయ్యింది. మొదటి షో నుండీ ఈ చిత్రానికి డీసెంట్ టాక్ వస్తుండడం విశేషం. అంతేకాదు అదిరిపోయే ఓపెనింగ్స్ రావడం కూడా ఖాయమని ట్రేడ్ పండితులు ఎంతో ధీమాగా చెబుతున్నారు. ఇదిలా ఉండగా ఇప్పుడు వెంకటేష్, చైతన్యల ఆనందాన్ని రెట్టింపు చేసేలా ఓ ఫోటో సోషల్ మీడియాలో తెగ వైరల్ అవుతుంది.

నాగచైతన్య 8 ఏళ్ళ వయసులో ఉన్నప్పటి తన చిన్నమావయ్య వెంకటేష్ తో దిగిన ఫోటో ఇది. ప్రస్తుతం సోషల్ మీడియాలో తెగ వైరల్ అవుతుంది. ‘నా కళ్ళ ముందు పెరిగిన క్యూట్ కిడ్.. ఇప్పుడు నా పక్కన హీరోగా నటిస్తున్నాడు’.. అంటూ ఈ ఫోటో గురించి ఇటీవల వెంకటేష్ కామెంట్ చేసిన సంగతి తెలిసిందే. ఇక ‘వెంకీమామ’ చిత్రానికి వస్తే.. దర్శకుడు బాబీ ఈ చిత్రాన్ని చాలా శ్రద్దగా తెరకెక్కించాడు. ఫస్ట్ హాఫ్ అంతా చాలా సరదాగా సాగిపోతుంది. సెకండ్ హాఫ్ లో ఎమోషనల్ సీన్స్ కంటతడి పెట్టించే విధంగా ఉన్నాయి. ఓవరాల్ గా ఫ్యాన్స్ కు ఓ కమర్షియల్ సినిమాని అందించడంలో దర్శకుడు సక్సెస్ అయ్యాడనే చెప్పాలి.

వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!