టాలీవుడ్ సీనియర్ హీరో వెంకటేష్ రీసెంట్ గా విడుదలైన ‘ఓరి దేవుడా’ సినిమాలో గెస్ట్ రోల్ పోషించారు. మోడర్న్ దేవుడిగా ఆయన సినిమాలో కనిపించారు. విశ్వక్ సేన్, వెంకీ, రాహుల్ రామకృష్ణల మధ్య సన్నివేశాలు నవ్వులు పూయించాయి. నిజానికి వెంకీ నటిస్తున్నాడని వార్తలు రాగానే సినిమాపై బజ్ పెరిగింది. రీసెంట్ గా విడుదలైన ఈ సినిమా పాజిటివ్ టాక్ తో దూసుకుపోతుంది.
ఇదిలా ఉండగా.. ఈ సినిమాకి వెంకటేష్ ఎంత రెమ్యునరేషన్ తీసుకున్నారనే విషయంపై క్లారిటీ వచ్చింది. ఈ సినిమా షూటింగ్ కోసం మొత్తం ఐదు రోజుల పాటు కాల్షీట్స్ ఇచ్చారట వెంకీ. దానికి తగ్గట్లుగానే దర్శకనిర్మాతలు షూటింగ్ ప్లాన్ చేసుకున్నారు. ఐదు రోజుల డేట్స్ కోసం వెంకీకి రూ.3 కోట్లు చెల్లించారట. అది మాములు విషయం కాదు.
నిజానికి వెంకీకి ఒక సినిమా చేయడానికి ఆరేడు కోట్ల రేంజ్ లో రెమ్యునరేషన్ ఇస్తుంటారు. అలాంటిది గెస్ట్ రోల్ కోసమే మూడు కోట్లు తీసుకున్నారు ఈ హీరో. పీవీపీ సంస్థ ఈ సినిమాను నిర్మించింది. ఇక వెంకీ సినిమాల విషయానికొస్తే.. ప్రస్తుతం ఆయన సల్మాన్ ఖాన్ తో కలిసి ‘కిసీ కా భాయ్ కిసీ కీ జాన్’ అనే సినిమాలో నటిస్తున్నారు. అలానే ఆయన నటించిన ‘రానా నాయుడు’ వెబ్ సిరీస్ త్వరలోనే స్ట్రీమింగ్ కానుంది.
వీటితో పాటు ఓ బాలీవుడ్ రీమేక్ లో ఆయన నటించే ఛాన్స్ ఉందని అంటున్నారు. అజయ్ దేవగన్ నటించిన ‘దే దే ప్యార్ దే’ సినిమా రీమేక్ హక్కులను సురేష్ ప్రొడక్షన్స్ సంస్థ దక్కించుకుంది. వెంకీతో ఈ రీమేక్ చేయడానికి ప్లాన్ చేస్తున్నారు. త్వరలోనే దీనికి సంబంధించిన ప్రకటన రానుంది. అలానే వెంకీతో ‘ఘర్షణ’ సీక్వెల్ తీయడానికి ప్లాన్ చేస్తున్నారు గౌతమ్ మీనన్. అదెప్పుడు పట్టాలెక్కుతుందో చూడాలి!
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home