Vijay Devarakonda: ఫ్లాప్ డైరెక్టర్ కు విజయ్ దేవరకొండ ఛాన్స్ ఇస్తున్నారా?

నిన్ను కోరి, మజిలీ సినిమాలతో బ్యాక్ టు బ్యాక్ బ్లాక్ బస్టర్ హిట్లను అందుకున్న శివ నిర్వాణకు టక్ జగదీష్ సినిమా వల్ల నెగటివ్ కామెంట్లు వినిపించాయి. వినాయక చవితి కానుకగా అమెజాన్ ప్రైమ్ లో నాని హీరోగా తెరకెక్కిన టక్ జగదీష్ విడుదలైంది. రొటీన్ కథ, కథనాలతో తెరకెక్కిన ఈ సినిమా ప్రేక్షకులను ఏ మాత్రం ఆకట్టుకోలేదు. ఈ సినిమా ద్వారా నాని ఖాతాలో మరో ఫ్లాప్ చేరడం గమనార్హం.

అయితే టక్ జగదీష్ ఫ్లాప్ వల్ల విజయ్ దేవరకొండ శివ నిర్వాణ కాంబో మూవీ ఆగిపోయిందని వార్తలు వైరల్ అయ్యాయి. విజయ్ దేవరకొండ, శివ నిర్వాణ ఈ వార్త గురించి స్పందించకపోవడంతొ చాలామంది ఈ వార్తను నిజమేనని నమ్మారు. అయితే తెలుస్తున్న సమాచారం ప్రకారం ఈ సినిమా ఆగిపోలేదని టక్ జగదీష్ సినిమాకు ఫ్లాప్ టాక్ వచ్చినా విజయ్ మాత్రం శివ నిర్వాణకు ఇచ్చారని తెలుస్తోంది. ప్రస్తుతం విజయ్ దేవరకొండ లైగర్ సినిమా షూటింగ్ తో బిజీగా ఉన్నారు.

జనవరిలో ఈ సినిమా పూజా కార్యక్రమాలు మొదలుకానుండగా ఫిబ్రవరి నుంచి ఈ సినిమా రెగ్యులర్ షూటింగ్ మొదలు కానుంది. విజయ్ సినిమాతో మరోసారి బ్లాక్ బస్టర్ సాధించాలని శివ నిర్వాణ భావిస్తున్నారు. విజయ్ తో శివ నిర్వాణ ఎలాంటి సినిమాను తెరకెక్కిస్తారో చూడాల్సి ఉంది. విజయ్ శివ నిర్వాణ కాంబో మూవీకి సంబంధించి ఇప్పటికే అగ్రిమెంట్ పూర్తైంది. భారీ బడ్జెట్ తో పాన్ ఇండియా మూవీగా ఈ సినిమా తెరకెక్కనుందని సమాచారం.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!