విజయ్‌ దేవరకొండ ఇప్పుడంటే కుర్ర స్టార్‌ హీరో. చిన్న చిన్న సినిమాలు చేసినా ‘అర్జున్ రెడ్డి’ తర్వాత స్టార్‌ హోదా సంపాదించేసుకున్నాడు. ఆ తర్వాత చేసిన సినిమాలు ఆ స్థాయి విజయం అందుకోకపోయినా ఇతర రాష్ట్రాల్లో విజయ్‌కు భారీ ఇమేజ్‌ దొరికింది. అందుకే ‘లైగర్‌’ సినిమా ప్రచారం కోసం ఎక్కడికెళ్లినా తండోపతండాలుగా కుర్రకారు వస్తున్నారు. అయితే ఇంతటి అభిమానం సంపాదించుకున్న విజయ్‌ దేవరకొండ గతంలో అసిస్టెంట్‌ దర్శకుడిగా పని చేశాడని తెలుసా?
మీరు విన్నది నిజమే, ఎందుకంటే ఈ విషయం చెప్పింది ఎవరో కాదు విజయ్‌ దేవరకొండనే. హీరోగా ‘పెళ్లి చూపులు’తో మంచి ఇమేజ్‌ సంపాదించుకున్న విజయ్‌.. అంతకుముందు ప్రముఖ దర్శకుడు తేజ దగ్గర శిష్యరికం చేశారట. ఆయన సినిమాల్లో సహాయ దర్శకుడిగా పని చేశారట. ‘లైగర్‌’ సినిమా ప్రచారంలో భాగంగా విజయ్‌ ఈ విషయాన్ని వెల్లడించాడు. ‘‘నటుడిగా కెరీర్ ప్రారంభించక ముందు ఇండస్ట్రీలో పరిచయాలు పెరగడం కోసం తేజ దగ్గర సహాయ దర్శకుడిగా చేశాను’’ అని చెప్పాడు విజయ్‌.
‘‘పూరి జగన్నాథ్‌ తన సహాయ దర్శకులకు మంచి జీతాలు ఇస్తారని.. నాన్న ఒకసారి చెప్పారు. అయితే పూరిని కలుద్దామని ప్రయత్నించినా కుదరలేదు. కొన్ని రోజుల తర్వాత అంటే ‘డియర్ కామ్రేడ్’ సినిమా వచ్చాక ఒకసారి కలిశాను. అప్పుడే ఆయన ‘లైగర్‌’ కథ చెప్పారు. కథ అదిరిపోయింది అనిపించింది. వెంటనే ఓకే చెప్పేసి చేసేశాను. ఇప్పుడు ఆ సినిమా విడుదలకు సిద్ధంగా ఉంది’’ అని వివరించాడు విజయ్‌ దేవరకొండ.
టాలీవుడ్‌ హీరోల్లో కొంతమంది ఇలా దర్శకత్వ శాఖలో పని చేసి హీరోలు అయినవారు ఉన్నారు. అలాంటివారిలో నాని కూడా ఒకరు. ఆయన ప్రముఖ దర్శకుడు బాపు దగ్గర పని చేసిన విషయం తెలిసిందే. ఇప్పుడు విజయ్‌ కూడా ఆ కోవకే చెందాడు. అయితే ఇన్నాళ్లూ ఈ విషయం విజయ్‌ ఎందుకు చెప్పలేదు అనేది ఓ చిన్న డౌట్‌. ఏదైతేముంది విజయ్‌ కూడా డైరక్షన్‌ టీమ్‌ నుండి వచ్చినవాడే.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
