ఎన్టీఆర్ బయోపిక్ లో విజయ్ దేవరకొండ పోషించే రోల్ ఇదే!

అన్నగారు ఎన్టీఆర్ బయోపిక్ మూవీ తారలతో నిండిపోతోంది. క్రిష్ దర్శకత్వంలో తెరకెక్కుతోన్న ఈ సినిమాలో ఎన్టీఆర్ గా బాలకృష్ణ నటిస్తున్న సంగతి తెలిసిందే. మహానటుడు భార్య బసవతారకమ్మ పాత్రలో బాలీవుడ్ బ్యూటీ విద్యాబాలన్ నటిస్తోంది. ఏఎన్నార్ గా సుమంత్, కృష్ణ గా సుధీర్ బాబు, చంద్రబాబు నాయుడిగా రానా నటించనున్న ఈ చిత్రంలో నరేష్ నిర్మాత బొగట వెంకట సుబ్బారావు పాత్రలో కనిపించనున్నారు. వీరేకాకుండా కైకాల సత్యనారాయణ, నరేష్, మురళి శర్మ తదితరులు అలనాటి మహానుభావుల పాత్రల్లో కనిపించబోతున్నారు. తాజాగా ఇందులో క్రేజీ హీరో విజయ్ దేవరకొండ నటించనున్నట్లు తెలిసింది.

ఎన్టీఆర్ అంటే కేసీఆర్ కి చాలా అభిమానం. ఆ అభిమానంతోనే తన తనయుడికి రామారావు అని పేరు పెట్టుకున్నారు. ఇద్దరి మధ్య మంచి అనుబంధం ఉండేది. అందుకే అతనిని కూడా బయోపిక్ లో చూపించాలని క్రిష్ భావించారు. ఆ పాత్రకు విజయ్ దేవరకొండని సెలక్ట్ చేసినట్లు తెలిసింది. ప్రస్తుతం నోటా ప్రమోషన్లో బిజీగా ఉన్న విజయ్ దేవరకొండ త్వరలోనే షూటింగ్ లో జాయిన్ కానున్నారు. సాయి కొర్రపాటి, విష్ణు ఇందూరిలతో కలిసి బాలయ్య నిర్మిస్తున్న ఈ మూవీ సంక్రాంతికి రిలీజ్ కానుంది.