కోలీవుడ్ స్టార్ హీరో విజయ్ నటించిన ‘బీస్ట్’ సినిమా త్వరలోనే ప్రేక్షకుల ముందుకు రానుంది. నెల్సన్ దిలీప్ కుమార్ దర్శకత్వంలో భారీ బడ్జెట్ తో ఈ సినిమాను తెరకెక్కించారు. ఈ సినిమాకి అనిరుద్ రవిచంద్రన్ సంగీతం అందిస్తున్నారు. ఏప్రిల్ 13న ఈ సినిమా ప్రేక్షకుల ముందుకు రానుంది. అయితే ఈ సినిమా విడుదలకు ముందే చాలా అడ్డంకులను ఎదుర్కొంటుంది. ఇటీవలే ఈ సినిమాను కువైట్ లో నిషేధించారు. టెర్రరిస్ట్ ల నేపథ్యంలో ఈ సినిమాను తెరకెక్కించడంలో కువైట్ ప్రభుత్వం విడుదలకు నిరాకరించింది.
దీంతో ‘బీస్ట్’ సినిమాను కువైట్ లో తప్పించి మిగిలిన దేశాల్లో విడుదల చేయబోతున్నారు. అయితే ఇప్పుడు విజయ్ సొంత రాష్ట్రంలోనే ఈ సినిమాపై వ్యతిరేకత ఏర్పడింది. ఈ సినిమాలో ఇస్లాంవాదులను తీవ్రవాదులుగా చిత్రీకరించారంటూ తమిళనాడు ముస్లిం లీగ్‌ అధ్యక్షుడు ముస్తఫా ‘బీస్ట్’ను తమిళనాడులో సైతం నిషేధించాలంటూ డిమాండ్‌ చేస్తున్నారు. ఈ మేరకు ముస్తఫా తమిళనాడు రాష్ట్ర హోం శాఖ కార్యదర్శికి లేఖ రాసినట్లు సమాచారం.
ఇలా విజయ్ సొంత రాష్ట్రమైన తమిళనాడులోనే ‘బీస్ట్’ సినిమాపై నిరసనలు వెల్లువెత్తుతుండటంతో ఏప్రిల్ 13న ఈ సినిమా విడుదలపై అంతటా ఆసక్తి నెలకొంది. ఇదివరకు దుల్కర్ సల్మాన్ నటించిన ‘కురుప్’, విష్ణు విశాల్ నటించిన ‘ఎఫ్ఐఆర్’ సినిమాలు కూడా ఇలానే సమస్యలనే ఎదుర్కొన్నాయి. కువైట్ లో ఈ సినిమాలను నిషేధించారు. ఆ సినిమాల్లో తీవ్రవాదులు కువైట్ లు తలదాచుకున్నట్లుగా చూపించడంతో ఆ దేశం సదరు సినిమాలను బ్యాన్ చేసింది.
అరబ్ దేశాలు కూడా ముస్లిం వ్యతిరేక సినిమాలపై బ్యాన్ విధిస్తే కలెక్షన్స్ పై ఎఫెక్ట్ పడే ఛాన్స్ ఉంది. మరి ఈ అడ్డంకులను దాటుకొని విజయ్ సినిమా విడుదలవుతుందో లేదో చూడాలి!
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home
