Vishwak Sen: విశ్వక్ సేన్ సొంత డైరెక్షన్ లో మరో సినిమా!

టాలీవుడ్ లో హీరోగా తనకంటూ ప్రత్యేకమైన గుర్తింపు తెచ్చుకోవడానికి ప్రయత్నిస్తున్నాడు హీరో విశ్వక్ సేన్. ‘హిట్’ సినిమా ఇతడి రేంజ్ పెంచింది. ప్రస్తుతం ఈ హీరో నటించిన ‘పాగల్’ సినిమా ప్రేక్షకుల ముందుకు రావడానికి సిద్ధంగా ఉంది. ఈ సందర్భంగా సినిమా ప్రమోషన్స్ జోరు పెంచారు. ఈ క్రమంలో విశ్వక్ సేన్ తన సొంత డైరెక్షన్ లో సినిమా అనౌన్స్ చేశాడు. వచ్చే ఏడాదిలో ఓ సినిమా డైరెక్ట్ చేయబోతున్నట్లు చెప్పారు.

పక్కా హైదరాబాద్ బ్యాక్ డ్రాప్ తోనే సినిమా ఉంటుందని చెబుతున్నాడు. ప్రస్తుతం రైటింగ్ లో ఉన్నానని.. హైదరాబాద్ కుర్రాడు, హైదరాబాద్ బ్యాక్ డ్రాప్ తోనే సినిమా ఉంటుందని అన్నాడు. ఈసారి తెలుగు, హిందీ భాషల్లో సినిమా చేయబోతున్నట్లు చెప్పాడు. గతంలో ఈ హీరో ‘ఫలక్ నుమా దాస్’ అనే సినిమా చేశాడు. ఆ సినిమాకు సంబంధించిన అన్ని వ్యవహారాలు దగ్గరుండి చూసుకున్నాడు. అయితే అది రీమేక్ స్టోరీ. ఈసారి మాత్రం ఒరిజినల్ స్టోరీతో మెగాఫోన్ పట్టుకుంటానంటున్నాడు.

గతంలో సినిమా అవకాశాల కోసం చాలా ప్రయత్నించానని.. ఎవరూ అవకాశాలు ఇవ్వలేదని.. ఆ ఫ్రస్ట్రేషన్ తోనే తను సొంతంగా సినిమా డైరక్ట్ చేసి నిర్మించానని చెప్పుకొచ్చాడు. ఇప్పుడు హీరోగా అతడి చేతిలో చాలా సినిమాలు ఉన్నప్పటికీ మరోసారి డైరెక్టర్ గా సినిమా తీయడానికి రెడీ అవుతున్నాడు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!