Vishwambhara: ‘విశ్వంభర’కు యంగ్‌ హీరోల కష్టాలు… ఎందుకంటే?

తెలుగులో సీనియర్‌ స్టార్ హీరో సినిమా అంటే హీరోయిన్ల వేట బలంగా సాగుతుంది. హీరోయిన్‌ కుదిరింది అనే పుకారు ఇలా వచ్చిందో లేదో… కాదు కాదు ఆమె కాదు అంటూ మరో వార్త బయటకు వచ్చేస్తుంటుంది. అందుకే సినిమా కథ కంటే హీరోయిన్‌ ఎంపికే పెద్ద పని అవుతుంది అంటుంటారు. అయితే ఇప్పుడు ఓ సీనియర్‌ స్టార్‌ హీరో సినిమా కోసం హీరోలను వెతుకుతున్నారు. హీరోయిన్ల వేట పూర్తి చేసిన టీమ్‌ ఇప్పుడు వారి కోసం హీరోలను చూస్తున్నారని టాలీవుడ్‌ టాక్‌.

చిరంజీవి హీరోగా వశిష్ట మల్లిడి దర్శకత్వంలో రూపొందుతున్న చిత్రం ‘విశ్వంభర’. ప్రీ ప్రొడక్షన్‌ పనులను పూర్తి చేసుకున్న ఈ సినిమా రెగ్యులర్‌ షూటింగ్ శరవేగంగా జరుగుతోంది. వచ్చే ఏడాది జనవరి 10 సంక్రాంతి కానుకగా రిలీజ్ చేయాలనే టార్గెట్ ఉండటంతో అన్నీ ప్లాన్‌ చేసుకుని బరిలోకి దిగారు. అయితే ఇప్పుడు హీరోల కోసం మళ్లీ వేట ప్రారంభించారని టాక్‌. ఈ సినిమాలో చిరంజీవికి అయిదుగురు చెల్లెళ్లు ఉంటారనే విషయం ఇప్పటికే బయటకు వచ్చింది. వాళ్లకే హీరోలను చూస్తున్నారట.

ఈ సినిమాలో ఈషా చావ్లా, సురభి, ఆషిక రంగనాథ్‌తోపాటు మరో ఇద్దరు చిరంజీవి చెల్లెళ్లుగా కనిపిస్తారట. ఆ పాత్రల కోసం ప్రామిసింగ్ యంగ్‌ హీరోలు కావాలట. చెల్లెళ్లకు జోడిగా నటించాల్సిన ప్రేమికులు, బావ పాత్రలకు తగిన ఆర్టిస్టులను వెతుకుతున్నారట. కాస్త పేరు, గుర్తింపు ఉన్న యూత్ హీరోలను తీసుకునే ఆలోచనలో ఉన్నారట. ఈ క్రమంలో నవీన్ చంద్ర, రాజ్ తరుణ్ లాంటి పేర్లు చర్చకు వస్తున్నాయట.

మరోవైపు (Vishwambhara) ఈ సినిమాలో హీరోయిన్‌గా ఇప్పటికే త్రిషను ఎంపిక చేసిన విషయం తెలిసిందే. అయితే ఈ సినిమాలో మరో ఇద్దరు నాయికలు ఉంటారు అని చెబుతున్నారు. ఆ పాత్రల కోసం మృణాల్‌ ఠాకూర్‌తోపాటు మరికొంతమంది పేర్లు వినిపిస్తున్నాయి. ఈ విషయంలోనూ ఈ నెలాఖరులోగా క్లారిటీ వస్తుందని సమాచారం. కొత్త షెడ్యూల్‌లో ఆ కొత్త హీరోయిన్లు పాల్గొంటారని చెబుతున్నారు. మరి ఎవరిని తీసుకుంటారో చూడాలి.

‘సలార్’ ఫైనల్ గా ఎంత కలెక్ట్ చేసిందంటే?!

నయన్ విఘ్నేష్ మధ్య విబేధాలకు అదే కారణమా.. అసలేమైందంటే?
నిశ్చితార్థం చేసుకున్న వరలక్ష్మి శరత్ కుమార్.. వరుడి బ్యాగ్రౌండ్ ఇదే!