2025లో ఇండియన్ సినిమా మార్కెట్‌ను షేక్ చేయబోయే రెండు భారీ ప్రాజెక్టులు వార్ 2 – కూలీ (Coolie) . బాలీవుడ్ స్పై యూనివర్స్‌లో హృతిక్ రోషన్ (Hrithik Roshan), జూనియర్ ఎన్టీఆర్ (Jr NTR) కలయికలో వస్తున్న వార్ 2 (War2), రజినీకాంత్ (Rajinikanth) – లోకేష్ కనగరాజ్ (Lokesh Kanagaraj) కాంబినేషన్‌లో రూపుదిద్దుకుంటున్న కూలీ.. రెండూ భారీ అంచనాలు నెలకొల్పాయి. వీటి థియేట్రికల్ రిలీజ్ డేట్లను ఒకే టైమ్‌లో అనౌన్స్ చేయడంతో, ఇండస్ట్రీ వర్గాల్లో పెద్ద చర్చ మొదలైంది. కానీ, లేటెస్ట్ గా ఈ క్లాష్‌ను నివారించేందుకు నిర్మాతలు కొత్త వ్యూహాన్ని రచించినట్లు తెలుస్తోంది.
వార్ 2 బాలీవుడ్‌లో అత్యంత భారీగా విడుదల కానున్న ప్రాజెక్ట్. ఎన్టీఆర్ విలన్ రోల్‌లో కనిపిస్తుండటం, స్పై యూనివర్స్‌లో కీలకంగా నిలిచే కథాంశం ఉండటంతో భారీ క్రేజ్ ఏర్పడింది. ఇదే సమయంలో కూలీ రజినీకాంత్ మార్కెట్‌ను మళ్లీ దేశవ్యాప్తంగా విస్తరించేలా డిజైన్ చేయబడుతోంది. కానీ, ఈ రెండు భారీ సినిమాలు ఒకేసారి వస్తే థియేట్రికల్ షేరింగ్, ఓపెనింగ్స్‌పై ప్రభావం పడే అవకాశం ఉండటంతో నిర్మాతలు ముందుగానే ప్లాన్ మార్చారు. ప్రారంభంలో కూలీ ఆగస్టు 14న విడుదల కావాల్సింది.
అదే సమయంలో వార్ 2 (War2) కూడా అదే డేట్‌ను ఫిక్స్ చేసుకున్నట్లు టాక్ వచ్చింది. కానీ, లేటెస్ట్ గా అందుతున్న సమాచారం ప్రకారం కూలీ వాయిదా వేసే ఛాన్స్ కనిపిస్తోంది. ఇండస్ట్రీ వర్గాల కథనం ప్రకారం, సినిమా విడుదలను సెప్టెంబర్ మొదటి వారానికి షిఫ్ట్ చేయాలని భావిస్తున్నారు. ఇలా చేయడం ద్వారా రెండు సినిమాలు తమ మార్కెట్‌ను ప్రత్యేకంగా ఎంజాయ్ చేసుకునేలా ప్లాన్ చేస్తున్నారు. డిస్ట్రిబ్యూషన్ వ్యూహాల్లో పెద్ద సినిమాలకు మరింత ప్రాధాన్యత ఉండటం వల్ల నిర్మాతలు ఈ నిర్ణయం తీసుకున్నట్లు తెలుస్తోంది.
థియేటర్లలో స్ట్రాంగ్ స్క్రీన్ కవరేజ్, బాక్సాఫీస్ లాంగ్ రన్ సాలిడ్‌గా ఉండాలంటే, రెండు సినిమాల మధ్య కనీసం రెండు వారాల గ్యాప్ ఉండడం అవసరం. పైగా, కూలీ రిలీజ్ వాయిదా పడినా, దాని మార్కెట్ విలువపై ఎలాంటి ప్రభావం పడదు. మొత్తానికి, భారీ బడ్జెట్ సినిమాలు ఒకదానిపై మరొకటి ప్రభావం చూపించకుండా రిలీజ్ ప్లాన్ చేయడం నిర్మాతలకు బెనిఫిట్‌ కలిగించేలా మారింది. ఈ వ్యూహంతో రెండు సినిమాలు వేర్వేరు మార్కెట్లలో తమదైన స్థాయిలో విజయం సాధించగలవు.
