కరోనా తర్వాత టాలీవుడ్‌లో చాలా మార్పులొచ్చాయి. అందులో ముఖ్యంగా చెప్పుకోవాల్సిన మార్పు. మన స్టార్‌ హీరోలు ఒకేసారి వరుస సినిమాలు ఓకే చేసేస్తున్నారు. అనౌన్స్‌మెంట్‌లు అధికారికంగా, అనధికారికంగా ఇచ్చేస్తున్నారు. కొందరైతే సినిమాలు మొదలుపెట్టేసి పక్కనపెట్టేస్తున్నారు. అలా ప్రకటించి /చెప్పి ఆగిన సినిమాలు, అనౌన్స్‌ చేసి కిక్కురమనకుండా కామ్‌గా ఉన్న చిత్రాల్లో స్టార్‌ హీరోలవే ఎక్కువున్నాయి. అవేంటో ఓసారి చూద్దాం.
* అనౌన్స్‌మెంట్‌లు వచ్చి ఇంకా మొదలుకాని సినిమాల సంగతి చెప్పాలంటే తొలుత పవన్‌ కల్యాణ్ గురించే చెప్పాలి. క్రిష్‌ ‘హరి హర వీరమల్లు’ సినిమా మొదలై నత్తనడకలో సాగుతోంది. హరీశ్‌ శంకర్‌ ‘భవదీయుడు భగత్‌సింగ్‌’ పోస్టర్లు వచ్చేసి ఆ తర్వాత ఉలుకూ పలుకూ లేదు. అయితే సినిమా ఉంది అంటున్నారు.. ఎప్పుడో చెప్పరు.
* ఈ రెండూ కాక పవన్‌ కల్యాణ్ నుండి మరికొన్ని సినిమాలు అనౌన్స్‌ అయ్యాయి. అందులో ఒకటి రామ్‌ తాళ్లూరి – సురేందర్‌ రెడ్డి సినిమా. దీని తర్వాత భగవాన్‌ – పుల్లారావు నిర్మాణంలో ఓ సినిమా అన్నారు. పీపుల్స్‌ మీడియా ఫ్యాక్టరీ వాళ్లతో సినిమా అన్నారు. వీటిపై కూడా నో క్లారిటీ. ఇక ‘వినోదాయ చిత్తాం’ పుకార్ల సంగతి మీకు తెలిసిందే.
* ‘పుష్ప’ విడుదలైన కొద్ది రోజులకు ‘పుష్ప 2’ స్టార్ట్‌ చేసేస్తాం అని అన్నారు టీమ్‌. అయితే సినిమా వచ్చి ఆరు నెలలు అయిపోతోంది. ఇప్పటివరకు ఆ సినిమా మొదలవ్వలేదు. పోనీ బన్నీ మరో సినిమా స్టార్ట్‌ చేస్తారు అంటే అదీ అవ్వడం లేదు. బోయపాటి శ్రీను, మురుగదాస్‌, సంజయ్‌ లీలా భన్సాలీ అంటూ పేర్లు వినిపిస్తున్నాయి తప్ప పని కావడం లేదు.
* ‘ఆర్‌ఆర్ఆర్‌’ తర్వాత ఎన్టీఆర్ సినిమా కొరటాల శివతో అన్నారు. నిజానికి జూన్‌లో సినిమా మొదలవ్వాలి. కానీ కథలో మార్పులు చేస్తుండటంతో ఆలస్యం అంటున్నారు. జులైలో అయినా మొదలవుతుందో లేదో తెలియదు. ఆ విషయం పక్కన పెడితే బుచ్చిబాబు సానా దర్శకత్వంలో సినిమా అనధికారికంగా అనౌన్స్‌ చేసినా ఇంకా ఆ విషయమేమీ తేలడం లేదు.
* ఇక మహేష్‌బాబు పరిస్థితీ దాదాపు ఇంతే. త్రివిక్రమ్‌తో సినిమా అని, జూన్‌లో స్టార్ట్‌ అన్నారు. ఆరో నెల పూర్తియిపోయింది. ఇంకా రెగ్యులర్‌ షూట్‌ మొదలవ్వలేదు. అలాగే రాజమౌళి సినిమా కథ ఫైనల్‌ చేస్తాం అని కూడా ఆ మధ్య అన్నారు. చర్చలు కూడా అయ్యాయి. ఆ సినిమా కథ ఇంకా తేలలేదు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
