SSMB29: మహేష్‌ – రాజమౌళి సినిమా… ‘సెలవులు’ కష్టం ఎలా అధిగమిస్తారో?

ఇక్కడే ఉంటూ అప్పుడప్పుడు సెలవులకు విదేశాలకు వెళ్లివస్తుంటావా? లేక విదేశాల్లో ఉంటూ అప్పుడప్పుడు ఇక్కడకు వస్తుంటావా? అని ఆ మధ్య మహేష్‌బాబును తారక్‌ ఓ కార్యక్రమంలో జోక్‌గా అన్నాడు గుర్తుందా? ఆ మాటలకు మహేష్‌ (Mahesh Babu) నవ్వుతూ ఆన్సర్‌ చెప్పాడు కానీ.. ఇప్పుడు ఈ మాట మరోసారి టాలీవుడ్‌ వర్గాల్లో జోరుగా వినిపిస్తోంది. ఈసారి కారణం ఎప్పటిలాగే మహేష్‌బాబు కొత్త ట్రిప్‌. అవును మహేష్‌ మరోసారి ఫ్యామిలీతో విదేశానికి టూర్‌కి వెళ్లివెళ్లాడట. దీంతో ఇలా టూర్లకు వెళ్తుంటే రాజమౌళి (SS Rajamouli) సినిమా సంగతేంటో అనే జోక్‌లు వినిపిస్తున్నాయి.

మామూలుగానే రాజమౌళి సినిమా అంటే ఏళ్ల తరబడి సాగుతూ ఉంటుంది. ఓవైపు షూటింగ్‌, పోస్ట్‌ ప్రొడక్షన్‌ చేసుకుంటూ నెలల తరబడి షూటింగ్‌ అవుతుంది. మధ్యలో హీరోలు వేరే సినిమాలు చేయడానికి కూడా అవ్వదు అని అంటుంటారు. రానా (Rana), రామ్‌చరణ్‌ (Ram Charan) మాత్రమే రాజమౌళి సినిమాలకు చిన్న గ్యాప్‌ ఇచ్చి వేరే సినిమా చేసినవారిలో ఉన్నారు. అది కూడా తక్కువ రోజులే. అంతలా హీరోల డేట్స్‌ను, హీరోలను ఒక దగ్గర పెట్టి సినిమా చేస్తుంటారు రాజమౌళి. అలాంటి జక్కన్న దగ్గర మహేష్‌ టూర్‌లు పెట్టడం అవుతుందా?

రాజమౌళి తన హీరోలు బయటకు రాకూడదు అనుకోవడానికి ఓ కారణం లుక్‌. సినిమాలో లుక్‌ బయటకు వచ్చేయకూడదని అలా చేస్తుంటారట. అయితే మహేష్‌ ఇలా ఏటా నాలుగైదు ట్రిప్‌లు వేస్తే సినిమా అనుకున్న సమయానికి ముందుకెళ్లడం కష్టం అనే ఓ చర్చ నడుస్తోంది. త్వరలో సినిమా అనౌన్స్‌మెంట్‌, ప్రెస్‌ మీట్‌ అని ఓ పక్క వార్తలు, లీకులు వస్తుంటే ఇప్పుడు మహేష్‌ విదేశాలకు వెళ్లడం కూడా ఇలాంటిదే అని మాట్లాడుతున్నారు. అయితే ముందస్తు ప్లాన్‌ ప్రకారమే మహేష్‌ ఇప్పుడు వెళ్లారు అనే టాక్‌ కూడా ఉంది.

ఈ లెక్కన మహేష్‌ వచ్చేంతవరకు రాజమౌళి ఆగాలి. ఈ లోపు ప్రీ ప్రొడక్షన్‌ వర్క్‌ పూర్తి స్థాయిలో చేసుకోవచ్చు. లేదంటే రాజమౌళి కూడా చిన్న ట్రిప్‌ వేసుకోవచ్చు. అయితే #ssmb29 వరకు మహేష్‌కు ఇదే ఆఖరి హాలీడే అవ్వాలని ఫ్యాన్స్‌ కోరుకుంటున్నారు. అప్పుడు సినిమా వేగంగా పూర్తవుతుంది కదా అని.

ఓం భీమ్ భుష్ సినిమా రివ్యూ & రేటింగ్!!

లైన్ మ్యాన్ సినిమా రివ్యూ & రేటింగ్!
ప్రముఖ బిగ్ బాస్ కంటెస్టెంట్ అరెస్ట్.. మేటర్ ఏంటి?