Peddi: ఇతర సినిమాలను ఇబ్బంది పెడుతున్న ‘పెద్ది’.. ఏ విషయం తేల్చకుండా…

ఈ నెల 30న రావాల్సిన ‘పెద్ది’ సినిమా వాయిదా పడటం దాదాపు ఖయమైపోయింది. సినిమా టీమ్‌ అయితే ఇప్పటివరకు ఎలాంటి అధికారిక ప్రకటన చేయలేదు కానీ.. ఇతర సినిమాల నిర్మాతల కామెంట్స్‌ చూస్తుంటే ‘పెద్ది’ వాయిదా పక్కా అని అర్థమవుతోంది. ఇప్పుడు సినిమా ఓవర్సీస్‌ టికెట్‌ల బుకింగ్‌లు నిలిపేశారని సమాచారం. దీంతో వాయిదా పక్కా అయిపోయింది. దీంతో ఇప్పుడు చర్చకు వచ్చిన టాపిక్‌ కొత్త రిలీజ్‌ డేట్‌ ఏది అని.

Peddi

ఎందుకంటే ‘పెద్ది’ సినిమాకు ఉన్న హైప్‌ కారణంగా ఈ సినిమా వచ్చే సమయంలో ఇతర సినిమాలేవీ ఉండకపోవడం బెటర్‌ అని టాలీవుడ్‌లో టాక్‌. దీంతో ‘పెద్ది’ కొత్త డేట్‌ చెబితే తాము మరో డేట్స్‌ వెతుక్కుందాం అనుకుంటున్నారట. ఎందుకంటే జూన్‌ 26న తమ సినిమాను తీసుకొస్తామని ‘లెనిన్’ టీమ్‌ రీసెంట్‌గా కూడా ప్రకటించింది. కాబట్టి జూన్‌ నెలాఖరుకు ‘పెద్ది’ రాకపోవచ్చు అని టాక్‌. ఇక మే మొదటి వారంలో రావడానికి సమంత ‘మా ఇంటి బంగారం’ రెడీగా ఉంది. ఆ వారాన్ని చరణ్‌ పరిగణనలోకి తీసుకున్నాడు అని అంటున్నారు. కాబట్టి ఆ సినిమా కూడా వెయిటింగ్‌.

వీటితోపాటు ఆనంద్ దేవరకొండ – వైష్ణవి చైతన్య సినిమా ‘ఎపిక్‌’ కూడా ఐదో నెల మొదటి వారం గురించే చూస్తోంది. ఇవేకాదు ఇంకొన్ని సినిమాలు ఏప్రిల్‌ ఆఖరి వారం నుండి జూన్‌ ఆఖరి వారం వరకు ఓ మంచి డేట్‌ కుదిరితే బాగుండు అనుకుంటున్నాయట. ఇప్పుడు ‘పెద్ది’ సినిమా టీమ్‌ క్లారిటీ ఇస్తే మిగిలిన సినిమాల వాళ్లు ఆయా డేట్స్‌లోకి కుదురుకుంటారు. ఇక చిరంజీవి ‘విశ్వంభర’ కూడా జూన్‌, జులై అని అన్నారు. ‘పెద్ది’ వాళ్ల నాన్న రారు. కాబట్టి ఆ సినిమాకు కూడా కొత్త డేట్ కావాలి.

అసలు ‘పెద్ది’ ఎందుకు లేట్‌ అవుతోంది అనేది ఇక్కడ ప్రశ్న. మొన్నీ మధ్య సినిమా డబ్బింగ్‌ పనులు కూడా రామ్‌చరణ్‌ పూర్తి చేసేశాడు. విజువల్‌ ఎఫెక్ట్స్‌ పనులు కూడా అయిపోయాయి. కానీ సినిమా రావడం లేదు. మ్యూజిక్‌ పరంగా ఏమన్నా ఆలస్యం ఉందేమో తెలియాలి

ఎవరి ‘కుమారస్వామి’ ముందు వస్తాడు? రేసులోకి మూడో డైరక్టర్‌