Vakeel Saab: శృతి గైర్హాజరుకు అసలు కారణమిదేనా..?

మరో మూడు రోజుల్లో తెలుగు రాష్ట్రాల్లో, ప్రపంచ వ్యాప్తంగా వకీల్ సాబ్ సినిమా రిలీజ్ కానుంది. రికార్డు స్థాయిలో థియేటర్లలో రిలీజ్ కాబోతున్నప్పటికీ వీకెండ్ వరకు ఈ సినిమాకు టికెట్లు దొరకడం కష్టమని తెలుస్తోంది. పవన్ కళ్యాణ్ ఫ్యాన్స్ తొలి మూడు రోజులకు టికెట్లను బుక్ చేసుకున్నారని తెలుస్తోంది. వకీల్ సాబ్ సినిమాలో పవన్ కళ్యాణ్ కు జోడీగా శృతి హాసన్ నటిస్తుండగా ఈ సినిమా ప్రమోషన్స్ లో శృతి కనిపించడం లేదు.

ట్రైలర్ లో శృతిహాసన్ కనిపించకపోవడంపై సస్పెన్స్ మెయింటెయిన్ చేస్తున్నారని కామెంట్లు వినిపించినా ప్రమోషన్స్ లో పాల్గొనకపోవడం గురించి ఫ్యాన్స్ మధ్య భిన్నాభిప్రాయాలు వ్యక్తమవుతున్నారు. ఈ సినిమా ఈవెంట్లలో, ఇంటర్వ్యూలలో శృతి కనిపించడం లేదు. గబ్బర్ సింగ్ సినిమాతో పవన్ శృతిహాసన్ హిట్ పెయిర్ అనిపించుకున్నారు. ఆ సినిమా తరువాత ఈ జోడీ కాటమరాయుడు సినిమాలో నటించారు. ఈ ఏడాది క్రాక్ సినిమాతో హిట్ కొట్టిన శృతిహాసన్ వకీల్ సాబ్ సినిమాతో మరో హిట్ కొడుతుందని శృతి ఫ్యాన్స్ భావిస్తున్నారు.

అయితే శృతి ప్రమోషన్స్ కు ఎందుకు హాజరు కావడం లేదో అసలైన కారణం తెలియాల్సి ఉంది. మరోవైపు తమిళనాడులో ఎన్నికలు జరుగుతుండటం, తండ్రి కమల్ పార్టీ పెట్టడంతో శృతి వకీల్ సాబ్ ప్రమోషన్స్ కు దూరంగా ఉన్నారనే కామెంట్లు వినిపిస్తున్నాయి. సినిమా రిలీజైన తరువాతైనా ప్రమోషన్ కార్యక్రమాల్లో శృతిహాసన్ కనిపిస్తారేమో చూడాల్సి ఉంది. మరోవైపు శృతి ఈ సినిమాలో ఎలాంటి పాత్రలో నటించిందో తెలియాల్సి ఉంది.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!