ఎన్టీఆర్ తన అన్నయ్య కళ్యాణ్ రామ్ కి పెద్ద ఫేవర్ చేశారు. త్రివిక్రమ్ శ్రీనివాస్ తో చేస్తున్న తన 30వ చిత్రంలో ఆయన్ని నిర్మాణ భాగస్వామిగా చేశారు. హారిక అండ్ హాసిని క్రియేషన్స్ తో కలిసి ఎన్టీఆర్ ఆర్ట్స్ పతాకంలో ఈ చిత్రం తెరకెక్కనుంది. ఎన్టీఆర్ తో త్రివిక్రమ్ చేస్తున్న మూవీ కాబట్టి ఈ చిత్రం భారీ ప్రీ రిలీజ్ బిజినెస్ జరగడం ఖాయం. సినిమా జయాపజయాలు అటుంచితే పెట్టుబడికి లాభం రావడం అనేది పక్కా. ఒక వేళ సినిమా భారీ విజయం సాధించిన నేపథ్యంలో వసూళ్ళలో వాటా శాతం దక్కి మరింత లాభం పొందవచ్చు. కాబట్టి కళ్యాణ్ రామ్ ఈ క్రేజీ ప్రాజెక్ట్ లో నిర్మాణ భాగస్వామిగా మారి లక్కీ ఛాన్స్ కొట్టేశాడు.
ఇక ప్రస్తుతం కళ్యాణ్ రామ్ కెరీర్ ఏమంత బాగోలేదు. హీరోగా వరుస పరాజయాలు అయన ఎదుర్కుంటున్నారు. పటాస్ తరువాత ఆయన నటించిన అరడజను సినిమాలు ప్లాప్ టాక్ తెచ్చుకున్నాయి. ఎన్టీఆర్ బయో పిక్స్ కలుపుకుంటే ఈ లెక్క ఇంకా కొంచెం ఎక్కువగా ఉంటుంది. ఆయనకు సినిమా ఆఫర్స్ వచ్చే సూచనలు కూడా కనిపించడం లేదు. గతంలో నిర్మాతగా కిక్ 2 తీసి నష్టాలపాలైన తరుణంలో ఎన్టీఆర్ జై లవకుశ చిత్రాన్ని కళ్యాణ్ రామ్ బ్యానర్ లో చేసి ఆయన కోలుకునేలా చేశాడు. మరో మారు ఎన్టీఆర్ అన్న కళ్యాణ్ రామ్ ని కనీసం నిర్మాతగా నిలబెట్టే పనిలో ఉన్నాడు. ఏమైనా అన్న అంటే ఆ మాత్రం స్వార్థం ఉంటుంది మరి.
Most Recommended Video
‘భీష్మ’ సినిమా రివ్యూ & రేటింగ్!
‘ప్రెజర్ కుక్కర్’ సినిమా రివ్యూ & రేటింగ్!
