బాలీవుడ్‌లో సింగిల్‌ స్టారర్‌గా తెరకెక్కి… టాలీవుడ్‌లో మల్టీస్టారర్‌గా మారిన చిత్రం ‘గోపాల గోపాల’. హిందీలో మంచి విజయం సాధించిన ‘ఓ మై గాడ్‌’ సినిమాకు రీమేక్‌ ఇది. ‘గోపాల గోపాల’ ఫలితం సంగతి పక్కన పెడితే… ‘గోపాల గోపాల’కి సీక్వెల్‌ కథ బాలీవుడ్‌లో సిద్ధమవుతోంది. మరి ఆ సినిమా టాలీవుడ్‌లో చేయడానికి పవన్ కల్యాణ్‌ ముందుకొస్తాడా అనేది ఇప్పుడు ఆసక్తికర అంశం.
అక్షయ్‌ కుమార్‌, పంకజ్‌ త్రిపాఠి ప్రధాన పాత్రల్లో బాలీవుడ్‌లో ‘ఓ మై గాడ్‌ 2’ అనౌన్స్ చేశారు. ఈ సారి అక్షయ్‌ కుమార్‌ పరమేశ్వరుడిగా కనిపించబోతున్నాడు. దీనికి సంబంధించి అనౌన్స్‌మెంట్ టీజర్‌ను రిలీజ్‌ చేసింది చిత్రబృందం. అందులో పంకజ్‌ త్రిపాఠితో కలసి అక్షయ్‌ కుమార్‌ ఏదో చెబుతూ నడుస్తున్నట్లుగా ఉంది. అంటే సినిమా షూటింగ్‌ మొదలైనట్లు అర్థం చేసుకోవచ్చు. ఇందులో యామీ గౌతమ్‌ కథా నాయిక.
‘ఓమై గాడ్‌’ తొలి భాగంలో ‘యాక్ట్‌ ఆఫ్‌ గాడ్‌’ అనే కథాంశాన్ని ఎంచుకోగా.. ఇందులో మరో కొత్త కాన్సెప్ట్‌ను చూపించనున్నట్లు తెలుస్తోంది. దీన్ని అమిత్‌ రాయ్‌ తెరకెక్కిస్తున్నారు. మరి పవన్ కల్యాణ్‌ – వెంకటేశ్‌ ఈ సినిమా రీమేక్‌ చేయడానికి ఓకే చెబుతారా అనేది ఆసక్తికరంగా మారింది. పవన్ బిజీ లైనప్‌లో ఈ సినిమాకు ప్లేస్ లేదు. కానీ అక్కడ విజయం ఇప్పుడు ప్రోత్సాహంగా మారితే అవకాశం ఉంది.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
Home